Shani Dev : पायामध्ये काळा धागा बांधणं शुभ की अशुभ? 'या' चुकांमुळे शनी देव होतात नाराज...

Shani Dev : काळा धागा पायात बांधणं आजकाल ट्रेंड झाला आहे. काही लोक याला फॅशन म्हणून घालतात. पण, हिंदू शास्त्रानुसार काळा धागा बांधणं शुभ आहे की अशुभ हे आपण जाणून घेऊयात.

Shani Dev

आपल्या आसपास अनेकदा तुम्ही काही लोकांना पायामध्ये काळा धागा बांधलेला पाहिलं असेल. इतकंच काय आपल्या घरीही काही जणांना पायात हा धागा बांधलेला पाहिलं असेल.

काही लोक फॅशन म्हणून हा धागा बांधतात तर, काही लोकांची अशी श्रद्धा आहे की, यामुळे वाईट नजरेपासून संरक्षण होते.

हिंदू धर्मात काळा धागा पायात बांधण्यासाठीही काही नियम सांगितले आहेत. हे नियम खूप कमी लोकांना माहित असतात. अशातच आपल्याला माहित असायला हवं की काळा धागा पायात बांधणं शुभ आहे की अशुभ.

ज्योतिष शास्त्रानुसार काळा धागा पायात बांधणं अशुभ आहे. शास्त्रांमध्ये काळा धागा हा रक्षा सूत्र आहे. त्यामुळे त्याला पायामध्ये बांधू नये.

तसेच, काळ्या रंगाचा संबंध शनि देवाशी आहे. शास्त्रानुसार जर काळा धागा पायात बांधला तर कुंडलीमध्ये शनीची स्थिती बिघडू शकते.

हिंदू शास्त्रामध्ये काळ्या धाग्याला रक्षासूत्र मानले जाते. त्यामुळे त्याला पायामध्ये बांधण्यापेक्षा तुम्ही हातामध्ये किंवा गळ्यामध्ये बांधू शकता.

ज्योतिष शास्त्रानुसार जर हा धागा गळ्यात बांधायचा असेल तर त्यात चांदीचे लॉकेट किंवा एखादे रत्न त्यात जोडावे.

जर हा धागा लहान मुलांना बांधायचा असेल तर, तो कंबरेत बांधणं शुभ असतं.

हिंदू शास्त्रानुसार काळा धागा लहान मुलं, लग्न झालेली स्त्री किंवा वयस्कर लोकांनी बांधावा यामुळे तुम्ही वाईट नजरेपासून दूर राहाल.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)