Buldhana News : सिंदखेडराजा येथे सापडलेल्या शेषशायी विष्णूच्या मूर्तीचं पूर्ण रूप आलं समोर; इतिहासातील सर्वात सुंदर मूर्ती असल्याची चर्चा

Buldhana News : बुलढाण्यातील ऐतिहासिक राजे लखुजीराव जाधव यांच्या समाधी समोरच उत्खनन करताना सापडलेल्या शेषशायी विष्णूच्या मूर्तीचं पूर्ण रूप आता समोर आलं आहे.

( Image Source :ABP Reporter/Buldhana )

सिंदखेड राजा येथे राजे लखोजी जाधव यांच्या समाधीसमोर सुरू असलेल्या उत्खननात शेषशाही भगवान विष्णू आणि लक्ष्मी यांची अतिशय सुंदर मूर्ती सापडली आहे.

या मूर्तीच्या भोवतालचं उत्खनन आता पूर्ण झालं असून मूर्तीचे पूर्ण रूप आता समोर आलेल आहे.

अतिशय रेखीव आणि सुंदर ही मूर्ती असून सहा फूट लांब आणि तीन फूट उंच अशी ही मूर्ती आहे.

या मूर्तीत समुद्रमंथनाचा सुद्धा देखावा दाखवण्यात आलेला आहे.

यात भगवान विष्णू शेषनागावर विराजमान होऊन बसले आहेत आणि लक्ष्मी त्यांच्या चरणाजवळ बसलेल्या आहेत.

ही मूर्ती अतिशय जड असल्याने आता फक्त ही मूर्ती बाहेर काढण्याचं काम बाकी आहे.

नुकतेच सिंदखेड राजा येथे राजे लखुजी जाधव यांच्या समाधीसमोर उत्खनना दरम्यान एक शिवमंदिर सापडलं होते. हे मंदिर तेराव्या शतकातील यादवकालीन मंदिर असल्याचा दावा सध्या करण्यात येतोय.

सिंदखेड राजा येथील राजे लखोजी जाधव यांच्या समाधीसमोर जीर्णोद्धाराचं काम सुरू होतं, त्या दरम्यान हे तेराव्या शतकातील यादवकालीन मंदिर सापडलं होतं.

त्यानंतर आता येथील उत्खननात शेषशाही भगवान विष्णू आणि लक्ष्मी यांची अतिशय सुंदर मूर्ती सापडली आहे.