Corona Vaccine | कोरोनावरील लसीचा शोध कुठवर? जाणून घ्या जगातील सर्वात मोठ्या पाच संशोधनाबद्दल

जगातील अनेक देश कोरोनावर लस (Corona vaccine)बनवल्याचा दावा करत आहेत. यातील सर्वात मोठे पाच दावे आहेत, जे कोरोना लसीच्या संशोधनात आघाडीवर असल्याचं मानलं जात आहे.

नवी दिल्ली: कोरोनावर मात करण्यासाठी लस किंवा औषध कधी येणार? हा सवाल आता लोकांच्या समोर आहे. कारण कोरोनावर आता एकमेव उपाय म्हणजे त्यावर औषध येणं हाच मानला जात आहे. जगभरात सध्या 200 हून अधिक कंपन्या कोरोना व्हायरसवर औषध तसंच लस शोधण्याचं काम करत आहेत. भारतात देखील 30 कंपन्या कोरोनावर लस बनवल्याचा दावा करत आहेत. जगातील अनेक देश कोरोनावर लस बनवल्याचा दावा करत आहेत. यातील सर्वात मोठे पाच दावे आहेत, जे कोरोना लसीच्या संशोधनात आघाडीवर असल्याचं मानलं जात आहे.

• पहिला दावा- रशियाच्या सेचेनोव यूनिव्हर्सिटीने दावा केला आहे की त्यांनी क्लिनिकल ट्रायल पूर्ण केलं आहे
• दुसरा दावा- चीनी कंपनी सायनोवॅकचा दावा आहे की, त्यांच्या लशीचं तिसऱ्या टप्प्यातील ट्रायल सुरु आहे
• तिसरा दावा- ऑक्सफोर्ड यूनिव्हर्सिटी दुसऱ्या आणि तिसऱ्या फेजमध्ये ट्रायल करतेय
• चौथा दावा- कॅनसिनो बायोलॉजिक्सचा फेज-2 ट्रायल पूर्ण झालं आहे.
• पांचवा दावा- मॉडर्ना या अमेरिकन कंपनीनं फेज-2 ट्रायल पूर्ण केलं आहे.

गूड न्यूज! कोरोनावरील लसीच्या पहिल्या टप्प्यातील मानवी चाचणीचे निष्कर्ष सकारात्मक, मॉडर्नाच्या शेअरमध्ये उसळी जगातील 138 कंपन्या प्री क्लिनिकल स्टेजवर कोरोनावरील लसीचं ट्रायल करत आहेत. फेज-1 मध्ये 17 कोरोना लसींचं ट्रायल सुरु आहे. तर फेज-2 मध्ये 9 लसींचं ट्रायल सुरु आहे. तर तीन लसींचं ट्रायल फेज-3 मध्ये सुरु आहे. यातील कुठल्याही कंपनीला लस विकण्याची मंजूरी मिळालेली नाही. मार्केटमध्ये लस विक्री करण्याची मंजूरी मिळण्यासाठी सर्व कंपन्यांना फेज- 6 पर्यंत पोहोचावं लागणार आहे. कोणतीही लस तयार होण्यासाठी किमान सहा टप्पे पार करावे लागतात. * पहिला टप्पा - संशोधन * दुसरी टप्पा - प्री क्लिनिकल ट्रायल म्हणजे जनावरांवर चाचणी * तिसरी टप्पा - यामध्ये मानवावर चाचणी केली जाते. त्याचेही तीन टप्पे आहेत - 1. पहिली फेरी - 100 पेक्षा कमी माणसांवर चाचणी - 2. दुसरा फेरी - शेकडो लोकांवर चाचणी - 3. तिसरा फेरी - हजारो लोकांवर चाचणी * चौथा टप्पा - औषधाला संबंधित विभागांकडून मंजुरी * पाचवा टप्पा - उत्पादन * सहावा टप्पा - गुणवत्ता नियंत्रण