US-Iran War : पर्शियाच्या आखातात याल तर परत जाणार नाही, इराणचा अमेरिकन सैन्याला इशारा
US Iran War : अमेरिकेच्या संभाव्य सैन्य हल्ल्याच्या पार्श्वभूमीवर इराणने डोनाल्ड ट्रम्प यांना थेट धमकी दिली असून पर्शियन गल्फमध्ये कारवाई केल्यास गंभीर परिणाम भोगावे लागतील, असा इशारा दिला आहे.
नवी दिल्ली : पश्चिम आशियामध्ये सुरू असलेल्या युद्धामुळे अमेरिका आणि इराण यांच्यातील तणाव आणखी वाढला आहे. अमेरिकेकडून आता लष्करी हल्ल्याच्या तयारीच्या बातम्या समोर येत असताना इराणने अमेरिकेला आणि राष्ट्राध्यक्ष डोनाल्ड ट्रम्प (Donald Trump) यांना थेट इशारा दिला आहे. पर्शियन गल्फमध्ये कोणतीही सैन्य कारवाई केली तर त्याचे गंभीर परिणाम होतील, असं इराणकडून स्पष्ट करण्यात आलं आहे.
सध्या एकीकडे युद्ध थांबवण्याचे प्रयत्न सुरू असताना दुसरीकडे दोन्ही देशांकडून हल्ले सुरूच आहेत. त्यामुळे पश्चिम आशियामधील परिस्थिती अधिकच चिघळण्याची शक्यता व्यक्त केली जात आहे.
US Iran Conflict : अमेरिका-इराण संघर्ष तीव्र
पश्चिम आशियामध्ये सुरू असलेला संघर्ष आता अधिक धोकादायक टप्प्यात पोहोचला आहे. अमेरिकेच्या सैन्य कारवाईच्या शक्यतेमुळे परिस्थिती आणखी गंभीर बनली आहे. दोन्ही देशांकडून आक्रमक भूमिका घेतली जात असल्याचं चित्र आहे.
Iran Warning Statement : इराणचा थेट इशारा
इराणच्या खातम अल-अनबिया मुख्यालयाचे प्रवक्ते ब्रिगेडियर जनरल इब्राहिम झोल्फाघरी (Ebrahim Zolfaghari) यांनी कठोर शब्दांत इशारा दिला आहे. त्यांनी आरोप केला की डोनाल्ड ट्रम्प (Donald Trump) हे इस्रायलच्या गुप्तचर संस्था मोसादच्या (Mossad) दबावाखाली काम करत आहेत. जर अमेरिकेने सैन्य हल्ला करण्याचा प्रयत्न केला तर अमेरिकन सैनिक पर्शियन गल्फमध्ये शार्कचं खाद्य बनतील, असा इशाराही त्यांनी दिला.
Pentagon Plan : सैन्य हल्ल्याची तयारी?
मीडिया रिपोर्टनुसार, अमेरिकेच्या पेंटॅगॉनकडून (Pentagon) इराणविरुद्ध दीर्घकालीन सैन्य मोहिमेची योजना तयार केली जात आहे. या योजनेत खर्ग आयलंड आणि होर्मुज सामुद्रधुनीजवळील भागांचा समावेश असू शकतो. मात्र, या योजनेला अंतिम मंजुरी ट्रम्प देतील की नाही, याबाबत अद्याप स्पष्टता नाही.
Peace Talks Efforts : युद्ध थांबवण्याचे प्रयत्न
दरम्यान, युद्ध थांबवण्यासाठी आंतरराष्ट्रीय स्तरावर हालचाली सुरू झाल्या आहेत. इराण आणि इस्त्रायल युद्ध थांबवण्यासाठी पाकिस्तानने मध्यस्थी करण्यासाठी पुढाकार घेतला आहे. यासाठी सौदी अरेबिया, तुर्की आणि इजिप्तचे परराष्ट्र मंत्री इस्लामाबादमध्ये बैठक घेणार आहेत. 29 आणि 30 मार्च रोजी ही बैठक पार पडणार असून त्यातून मोठा निर्णय होण्याची शक्यता वर्तवली जात आहे.
ही बातमी वाचा:
महत्त्वाच्या बातम्या
