Russia Ukraine War : अमेरिकेकडून युक्रेनच्या कुटुंबाला देशात आश्रय घेण्याची परवानगी, तीन मुलांसह महिला शरण

Russia Ukraine War : अमेरिकन अधिकाऱ्यांनी गुरुवारी युक्रेनियन महिला आणि तिच्या तीन मुलांना देशात आश्रय घेण्याची परवानगी दिली आहे.

Joe Biden

Russia Ukraine War : अमेरिकन अधिकाऱ्यांनी गुरुवारी युक्रेनियन महिला आणि तिच्या तीन मुलांना देशात आश्रय घेण्याची परवानगी दिली आहे. एक 34 वर्षीय महिला आणि तिची सहा, 12 आणि 14 वर्षांची तीन मुले गुरुवारी सॅन दिएगोमध्ये दाखल झाले. बायडेन प्रशासनाने बुधवारी व्यापक निर्बंधांखाली महिलेला अमेरिकेत प्रवेश नाकारला. संसदेतील बहुसंख्य नेते चक शूमर यांच्यासह डेमोक्रॅटिक पक्षाच्या खासदारांनी अमेरिकेत महिलेला आश्रय नाकारण्याच्या बायडेन प्रशासनाच्या निर्णयावर टीका करण्यात आली.

रशिया-युक्रेन युद्धामुळे अनेक युक्रेनियन इतर देशांमध्ये आश्रय घेत आहेत. कोरोना निर्बंधांखाली युक्रेनियन महिला आणि तिच्या तीन मुलांना अमेरिकेत आश्रय नाकारण्यात आला. यानंतर लिंग आणि निर्वासित अभ्यास केंद्राचे कायदा संचालक ब्लेन बोचे यांनी बुधवारी तिजुआनाहून सॅन दिएगोला परतत असताना युक्रेनियन महिला आणि तिच्या मुलांना रडताना पाहिले. त्यावेळी चौघेही खूप काळजीत दिसत होते. हैती स्थलांतरितांना मदत करण्यासाठी बुके तिजुआना येथे गेले होते.

कोरोनाचा प्रसार रोखण्याच्या हवाला देऊन आश्रय मागणाऱ्यांना देशात प्रवेश करण्यास नकार देण्याच्या आदेशावर टीका झाली. ट्वीट्स आणि संबंधित मीडिया रिपोर्ट्सवरही टीका झाली. वाढत्या टीकेमुळे बायडेन प्रशासनाने आपला निर्णय मागे घेतला आणि शेवटी युक्रेनियन महिला आणि तिच्या मुलांना अमेरिकेत आश्रय देण्याची परवानगी दिली.

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha