Russian Ukraine War : रशियाचे राष्ट्रपती पुतीन यांच्यासह 100 व्यक्तींवर न्यूझीलंडकडून बंदी
Russian Ukraine War : रशिया-युक्रेन युद्धाचा आज 12 वा दिवस आहे. या युद्धाने तिथल्या लोकांनाच नाही, तर संपूर्ण जगाला चिंतेत टाकलं आहे.
Russian Ukraine War : रशिया-युक्रेन युद्धाचा आज 12 वा दिवस आहे. रशिया युक्रेनच्या विविध शहरांवर क्षेपणास्त्रे आणि बॉम्ब हल्ले करत आहे. यादरम्यान अनेकांना आपला जीव गमवावा लागला आहे, तर लाखो लोकांना युक्रेनमधून पलायन करावे लागले आहे. दरम्यान, रशियावर नाराज असलेले अनेक देश त्यावर बंदी घालत आहेत. आता न्यूझीलंडने (New Zeland) रशियाचे राष्ट्राध्यक्ष पुतीन यांच्यासह 100 महत्त्वाच्या व्यक्तींवर बंदी घातली आहे. या यादीत रशियाचे पंतप्रधान मिखाईल मिशुस्टिन, संरक्षण मंत्री सर्गेई शोइगु आणि परराष्ट्र मंत्री सर्गेई लावरोव्ह यांचाही समावेश आहे.
टेक कंपन्यांकडूनही रशियावर निर्बंध
जगातील पाच आघाडीच्या टेक कंपन्या गुगल (Google), अॅपल (Apple), फेसबुक (Facebook), अॅमेझॉन (Amazon) आणि मायक्रोसॉफ्ट (Microsoft) यांनी युक्रेनवर हल्ला केल्याबद्दल रशियावर निर्बंध लादले आहेत. युक्रेनने युरोपियन संघ, नाटो आणि यूएस सरकारकडून मदत मागितली तसेच मोठ्या टेक कंपन्यांना रशियावर निर्बंध लावण्याचे आवाहन केले होते. गुगलने रशियामधील त्यांच्या सेवांवर ऑनलाइन जाहिरातींची विक्रीही बंद केली आहे. Google Search आणि Google Maps दोन्ही रशियामध्ये उपलब्ध आहेत.
फॉक्सटेलने ऑस्ट्रेलियामध्ये रशियान न्यूज चॅनल (RT) काढून टाकले आहे, परंतु ते YouTube वर लाइव्हस्ट्रीममध्ये जाहिरातींसह उपलब्ध आहे. याचा अर्थ असा की RT ऑस्ट्रेलियामध्ये थेट जाहिरातीतून महसूल मिळवू शकतात, परंतु YouTube कडून जाहिरातींचा महसूल मिळणार नाही. Google Search आणि Google Maps रशियामध्ये उपलब्ध आहेत.
अॅपल गुगलच्या अनेक पावले पुढे गेले आहे. कंपनीने रशियातील सर्व उत्पादनांची विक्री स्थगित केली आहे. Apple Pay आणि इतर सेवा मर्यादित आहेत. तसेच रशियाबाहेर सर्वत्र Apple अॅप स्टोअरवरून RT आणि Sputnik वर बंदी घातली आहे. Meta ने RT आणि Sputnik मधील Facebook आणि Instagram या दोन्हींवरील परवानगी काढून टाकली आहे.
अॅमेझॉनने युक्रेनमधील सायबर सुरक्षा प्रयत्नांना पाठिंबा देण्याचा आणि लॉजिस्टिक सपोर्ट ऑफर करण्याचा मार्ग स्वीकारला आहे. सायबर सुरक्षा आघाडीवर मायक्रोसॉफ्टनेही मदत केली आहे. त्याने 24 फेब्रुवारी रोजी युक्रेनमध्ये संभाव्य रशियन सायबर हल्ल्याची ओळख पटवली, ज्यामुळे ते अयशस्वी करण्याच्या प्रयत्नांना मदत झाली.
महत्त्वाच्या इतर बातम्या :
- Russia Ukraine War : दोन अमेरिकन शास्त्रज्ञ अनेक महिन्यांपासून रशियन कॅप्सूलमध्ये बंद, बाहेर सुरु असलेल्या युद्धाची कल्पनाच नाही
- Ukraine Russia War : सुमी शहरातील विद्यार्थ्यांच्या सुटकेसाठी भारतीय दूतावासाची योजना, भारतीयांना तयार राहण्याच्या सूचना
- Russia Ukraine War : नागरीक घरातच झाले कैद, खाण्यापिण्याचे होताहेत हाल
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
