मोठी बातमी! रशियन लष्करी विमानाला भीषण अपघात, सर्व 15 जणांचा मृत्यू; दुर्घटनेचा VIDEO समोर
Russian Military Plane Crash : रशियन लष्करी विमान कोसळून त्यातील सर्व 15 अधिकाऱ्यांचा मृत्यू झाल्याची मोठी माहिती समोर येत आहे.
Russian Military Plane Crash Video : रशियन लष्करी विमानाचा अपघात (Plane Crash) झाल्याची मोठी बातमी समोर आली आहे. रशियन लष्करी विमान कोसळून मोठी दुर्घटना घडली आहे. मीडिया रिपोर्टनुसार, या अपघातात विमानातून प्रवास करणाऱ्या लष्करातील सर्व 15 कर्मचाऱ्यांचा मृत्यू झाल्याची दु:खद माहिती समोर आली आहे.
रशियन लष्करी विमान कोसळून अपघात
रशियन लष्कराचे IL-76 विमान जमिनीच्या दिशेने उतरताना त्याच्या एका इंजिनला आग लागल्याने हा अपघात झाला आणि त्यानंतर विमान कोसळलं. या विमान अपघाताचा व्हिडीओ व्हायरल झाला असून फुटेजमध्ये क्रॅश साइटवरून काळ्या धुराचे लोट उठताना दिसत आहेत.
विमानातील सर्व 15 कर्मचारी जागीच ठार
रशियन मीडियाने दिलेल्या वृत्तात म्हटलं आहे की, लष्करी मालवाहू विमानाला आग लागली आणि मॉस्कोच्या ईशान्येकडील इव्हानोव्हो प्रदेशात अपघात झाला. मंगळवारी ही घटना घडली. रशियन लष्करी मालवाहू IL-76 विमान जमिनीच्या दिशेने उतरत असताना त्याच्या एका इंजिनला आग लागली आणि यानंतर विमान कोसळलं, अशी माहिती द मॉस्को टाईम्सने दिली आहे. या विमान अपघाताचा व्हिडीओ समोर आला आहे.
मालवाहू विमानाला अपघात
रशियाच्या एका मालवाहक विमानाचा मंगळवारी अपघात झाला. अपघाताच्या वेळी विमानात 15 जण होते. या घटनेची माहिती देताना रशियाने सांगितलं आहे की, मंगळवारी उड्डाण घेतल्यानंतर इल्युशिन IL-76 हे लष्करी मालवाहू विमान क्रॅश झालं. अपघाताच्या वेळी विमानाच्या इंजिनला आग लागली त्यामुळे हा अपघात झाला. अपघाताच्या वेळी विमानात 15 जण होते.
विमान दुर्घटनेचा व्हायरल व्हिडीओ पाहा :
BREAKING: Large Russian military plane crashes near Ivanovo, northeast of Moscow pic.twitter.com/di4pnpJxKh
— BNO News (@BNONews) March 12, 2024
दरम्यान, युक्रेनियन प्रिझनर्स ऑफ वॉरसह रशियन लष्करी विमान क्रॅश झाल्यानंतर एक महिन्यानंतर ही आणखी एक दुर्घटना घडली आहे.
विमान उड्डाणानंतर लगेचच कोसळलं
रशियन मीडिया रिपोर्टनुसार, या दुर्घटनेत विमानातून प्रवास करणाऱ्या 15 कर्मचाऱ्यांचा मृत्यू झाल्याचं सांगितलं जात आहे. रशियाच्या संरक्षण मंत्रालयाने दिलेल्या माहितीनुसार, रशियन लष्कराच्या मालवाहू विमानाला अपघात झाला आहे. विमान उड्डाणानंतर लगेचच कोसळलं. त्याच्या एका इंजिनला आग लागल्याची प्राथमिक माहिती आहे.
रशियन सोशल मीडिया या विमान अपघातासंबंधित एक व्हिडीओ व्हायरल होत आहे. या व्हिडीओमध्ये एक विमान जळत्या इंजिनसह खाली कोसळताना दिसत आहे. विमान खाली कोसळत असताना धुराचे प्रचंड लोट आकाशात उठताना व्हिडीओमध्ये पाहायला मिळत आहेत.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
and tablets
