Russia Ukraine War : युक्रेन-रशिया युद्धात आण्विक अस्त्रांचा वापर? जगभरात खळबळ; फ्रान्सच्या राष्ट्राध्यक्षांचा बेलारूसला फोन

Russia Ukraine War : युक्रेन-रशिया युद्धात अण्वस्त्रांच्या चर्चेने भीती वाढली आहे. यामध्ये बेलारूसच्या भूमिकेवर फ्रान्सने नाराजी व्यक्त केली आहे.

Russia Ukraine War

Russia Ukraine War : रशिया आणि युक्रेनमधील युद्ध आता धोकादायक वळणावर आहे. रशियाचे म्हणणे आहे की, युक्रेन चर्चेसाठी तयार नसल्याने आम्ही हल्ला करत आहे. तर युक्रेनचे म्हणणे आहे की, रशिया चर्चेसाठी तयार असल्याने त्यांनी हल्ले बंद करावे. या युद्धाकडे जगभरातील देशांचे लक्ष लागले आहे. या युद्धात तोफ, गोळे, बंदुकांनी सुरु असलेली ही लढत अण्वस्त्र हल्ल्यापर्यंत पोहोचू शकते, अशी भीती व्यक्त केली जात आहे. या युद्धात बेलारूसची रशियाला खूप मदत मिळत आहे. अशा स्थितीत फ्रान्सने या प्रकरणात हस्तक्षेप करत युक्रेनविरुद्धच्या युद्धात बेलारूसने रशियाला मदत करू नये, असे म्हटले आहे.

फ्रान्सचे राष्ट्राध्यक्ष इमॅन्युएल मॅक्रॉन (Emmanuel Macron) यांनी बेलारूसचे राष्ट्राध्यक्ष अलेक्झांडर लुकाशेन्को (Alexander Lukashenko) यांच्याशी फोनवर चर्चा केली. यादरम्यान, त्यांनी बेलारूसच्या निर्णयाचा तीव्र निषेध केला, ज्यामध्ये बेलारूसने रशियाला बेलारूसच्या भूमीवर अण्वस्त्रे तैनात करण्याची परवानगी दिली होती.

'हे पाऊल कोणाच्याही हिताचे नाही'

एजन्सीच्या दिलेल्या माहितीनुसार, फ्रान्सचे राष्ट्राध्यक्ष इमॅन्युएल मॅक्रॉन यांनी बेलारूसचे राष्ट्राध्यक्ष अलेक्झांडर लुकाशेन्को यांना बेलारूस आणि युक्रेनच्या लोकांच्या भावनांचा आदर करण्यास सांगत युक्रेनविरुद्धच्या युद्धात रशियाला मदत न करण्यास सांगितले आहे. कारण असे करणे कोणाच्याही हिताचे ठरणार नाही.

महत्त्वाच्या इतर बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha