डोक्यावर वार केले, शरिरावर अन्वयित अत्याचार; नराधमांसह 9 महिने घालवलेल्या महिलेने सांगितला धरकाप उडवणारा प्रसंग
नवी दिल्ली : गेल्या वर्षी इस्रायली भूमीतून अपहरण झालेल्या अर्गामनी या ज्यू महिलेची IDF (इस्रायल संरक्षण दल) ने गेल्या महिन्यात एका विशेष ऑपरेशन राबवून मध्य गाझा येथून सुटका केली होती.
नवी दिल्ली : गेल्या वर्षी इस्रायली भूमीतून अपहरण झालेल्या अर्गामनी या ज्यू महिलेची IDF (इस्रायल संरक्षण दल) ने गेल्या महिन्यात एका विशेष ऑपरेशन राबवून मध्य गाझा येथून सुटका केली होती. जखमी झालेली अर्गमनी उपचारानंतर शुक्रवारी (दि.23) पहिल्यांदाच कॅमेऱ्यासमोर आली आणि तिने हमासने कशा पद्धतीने अत्याचार केले आणि त्रास दिला, याबाबतचे खुलासे केले आहेत. सुमारे नऊ महिने हमासमध्ये दहशतवाद्यांच्या ताब्यात राहिल्यानंतर अर्गमनी यांनी जगण्याची सर्व आशा सोडली होती. तिला वाटले की, हमासचे दहशतवादी कधीही तिचा जीव घेतील.
For the first time since being rescued from Gaza, Noa Argamani spoke in Tokyo about her 9 months in Hamas captivity pic.twitter.com/ICwr3TSgu6
— Reuters (@Reuters) August 23, 2024
ही माझ्या आयुष्यातील शेवटची रात्र असू शकते असा विचार करुन झोपायचे
“माझी सुटका होईपर्यंत, प्रत्येक रात्री मी तिथेच हमासच्या कोठडीत झोपत होते. ही माझ्या आयुष्यातील शेवटची रात्र असू शकते असा विचार करत होते,” तिने रॉयटर्सने जारी केलेल्या अर्गमनीच्या व्हिडिओमध्ये म्हटले आहे. या संपूर्ण काळात मी अजूनही जीवंत आहे,यावर माझा विश्वास बसत नव्हता. या क्षणी जेव्हा मी अजूनही तुमच्याबरोबर बसले आहे, तेव्हा मी येथे आहे हा एक चमत्कार आहे. 7 ऑक्टोबर रोजी झालेल्या बॉम्बस्फोटात मी वाचले, आणि मी बचाव कार्यातही वाचले.
इस्रायली सैन्याचा बचाव केला
हमासच्या तावडीतून सुटलेली ही महिला पुढे म्हणाली, “आमचे सैन्य गाझामध्ये काय करत आहे. हे संपूर्ण जगाला माहीत आहे, पण दहशतवादी आमचे काय करतात हे पाहत नाहीत हे खरोखरच दुःखद आहे. आम्हाला कोणी पाहू नये म्हणून ते आम्हाला घरातील बोगद्यात लपवून ठेवतात. मला बेदम मारहाण झाली. माझ्या अंगावर जखमा होत्या आणि मला कोणी भेटायला आले नाही. मला कोणी भेटायला आले नाही, मला वैद्यकीय मदत द्यायला कोणी आले नाही.”
इस्रायली स्पेशल फोर्सेसकडून एक ऑपरेशन राबवण्यात आले. त्यानंतर मध्य गाझामधील एका इमारतीतून 8 जून रोजी इतर तीन ओलिसांसह तिची सुटका करण्यात आली. 200 पेक्षा जास्त पॅलेस्टिनी या हल्ल्यात मारले गेले, गाझा आरोग्य अधिकाऱ्यांच्या मतानुसार,अरगामनी तिची गंभीर आजारी आई लिओरा, ज्याला तेल अवीवमध्ये रुग्णालयात दाखल करण्यात आले होते आणि तिच्या मुलीच्या परतीची वाट पाहत होती.
प्रियकरासह अपहरण केले होते
अर्गमनीचे 7 ऑक्टोबर 2023 रोजी अपहरण करण्यात आले होते. जेव्हा ती तिच्या प्रियकरासोबत सुपरनोव्हा फेस्टिव्हलमध्ये उपस्थित होती. इस्रायलच्या म्हणण्यानुसार, त्या दिवशी हमासने दक्षिण इस्रायलवर केलेल्या हल्ल्यात 1,200 हून अधिक लोक मारले गेले. पॅलेस्टिनी आरोग्य अधिकाऱ्यांच्या म्हणण्यानुसार, इस्रायली सैन्याने आतापर्यंत किमान 40,000 पॅलेस्टिनींना ठार केले आहे.
महत्त्वाच्या बातम्या
