Iran : होर्मुझवर इराणचं पूर्णपणे नियंत्रण, होर्मुझच्या सामुद्रधुनीतून एका दिवसात किती जहाज मार्गक्रमण करणार? इराणनं मोठा निर्णय घेतला
Strait of Hormuz : होर्मुझच्या सामुद्रधुनीतून एका दिवसात किती जहाजं सोडायची यासंदर्भातील निर्णय इराणकडून घेण्यात आला आहे. यामुळं होर्मुझवर आता इराणचं पूर्णपणे नियंत्रण असल्याचं दिसून येतं.
Strait of Hormuz नवी दिल्ली : अमेरिका आणि इस्त्रायलनं इराणवर 28 फेब्रुवारीला हल्ले केले. त्यानंतर तब्बल 40 दिवसांनी अमेरिका आणि इराण यांच्यात दोन आठवड्यांसाठी शस्त्रसंधी झाली आहे. या शस्त्रसंधीत अमेरिकेचे अध्यक्ष डोनाल्ड ट्रम्प यांनी होर्मुझची सामुद्रधुनी सुरु ठेवावी लागेल, असं म्हटलं होतं. मात्र, 28 फेब्रुवारीपूर्वी जी होर्मुझची सामुद्रधुनी पूर्णपणे खुली होती, त्यावर आता इराणचं नियंत्रण आहे. अमेरिकेसोबत शस्त्रसंधी केली असली तरी या मार्गानं एका दिवसात 15 जहाजं मार्गक्रमण करतील, असं इराणकडून सांगण्यात आलं आहे. आयआरजीसीच्या सूत्रांच्या मते होर्मुझमध्ये यूद्धपूर्व स्थिती निर्माण होण्यास खूप वेळ लागणार आहे.
रशियन वृत्तसंस्था तास नुसार इराणच्या एका वरिष्ठ सूत्रांकडून देण्यात आलेल्या माहितीनुसार शस्त्रसंधीनंतर इराणकडून होर्मुझची सामुद्रधुनी युद्धपूर्व स्थितीत जाऊ देणार नाही.सूत्रांच्या माहितीनुसार इराण होर्मुझवरील पकड कमजोर होऊ नये यासाठी प्रयत्न करत आहे. आता कोणत्याही जहाजाला होर्मुझमधून मार्गक्रमण करायचं असल्यास इराणच्या विशिष्ट प्रोटेकॉलचं पालन करावं लागेल. यानंतर देखील इराण एका दिवसात होर्मुझच्या सामुद्रधुनीतून 15 पेक्षा अधिक जहाजांना मार्गक्रमण करण्यास परवानगी देणार नाही. सूत्रांच्या मते अमेरिका आणि इराण यांच्यातील शस्त्रसंधीत देखील एका दिवसात 15 जहाजांना मार्गक्रमण करण्यास मान्यता देण्यात आली आहे. यासाठी देखील इराणची परवानगी घ्यावी लागेल. होर्मुझच्या सुरक्षेची यंत्रणा आयआरजीसीकडून संचलित केली जाईल. यामुळं होर्मुझच्या सामुद्रधुनीत युद्धपूर्व स्थिती निर्माण होण्यास खूप वेळ लागू शकतो.
होर्मुझमधून 24 तासात 7 जहाजांचं मार्गक्रमण
अमेरिका आणि इराण यांच्यात शस्त्रसंधी झाल्यानंतर हल्ले थांबले असले तरी युद्धाचा परिणाम अजून कायम आहे. होर्मुझमधून युद्ध सुरु होण्यापूर्वी एका दिवसात जवळपास 60 जहाजं मार्गक्रमण करायची. गेल्या 24 तासात केवळ 7 जहाजांनी होर्मुझमधून मार्गक्रमण केलं आहे. यापैकी बहुतांश जहाजं चीनची आहेत. त
अमेरिकेला अटी मान्य करण्यास इराण भाग पाडणार
अमेरिका आणि इस्त्रायल यांनी इराणवर 28 फेब्रुवारीपासून हल्ले सुरु केले होते. तेव्हा कोणालाही वाटलं नव्हतं की इराणसोबत त्यांना शस्त्रसंधी करावी लागेल. यानंतर देखील होर्मुझच्या सामुद्रधुनीवर इराणचं नियंत्रण आहे. इराणनं दोन आठवड्यांची शस्त्रसंधी पूर्ण होण्यापूर्वी त्यांच्या विदेशातील गोठवण्यात आलेल्या संपत्तीला पूर्ववत करावं अशी मागणी केली आहे.
दरम्यान, इराण आणि अमेरिका यांच्यातील चर्चा पाकिस्तानच्या इस्लामाबादमध्ये होणार आहे. या चर्चेसाठी अमेरिकेचे उपराष्ट्रपती जे. डी. व्हॅन्स पाकिस्तानात दाखल झाले आहेत. आता अमेरिका आणि इराण यांच्यात चर्चेतून तोडगा निघतो का ते पाहावं लागेल.
Before You Go
Aaditya Thackeray NEET: नीट आंदोलनात गुन्हे दाखल झालेल्या ठाकरेंची मदत, केस लढण्यासाठी वकील मैदानात उतरवणार, आदित्य ठाकरेंची माहिती
महत्त्वाच्या बातम्या
