Iran US War : इराण आवरणार नाहीच, युद्धही संपणार नाही; अमेरिकन गुप्तचर यंत्रणेचा ट्रम्प यांना अहवाल, युद्धाचा खर्चही महाग

CIA Report On Iran War : इराणवर हल्ला केल्यानंतर खामेनी सरकार कोसळेल असा डोनाल्ड ट्रम्प यांचा दावा अमेरिकन गुप्तचर अहवालाने फेटाळल्याची माहिती आहे. या युद्धात अमेरिकेचा हजारो कोटींचा खर्च झाला आहे.

US Intelligence Report On Iran War

Source : abp majha

Iran US War : इराणवर हल्ला करून तेथील कट्टरतावादी सरकार हटवू असा दावा करणाऱ्या अमेरिकेचे राष्ट्राध्यक्ष डोनाल्ड ट्रम्प यांना आता स्वतःचं डोकं धरून बसण्याची वेळ येण्याची शक्यता आहे. त्याला कारणीभूत आहे तो म्हणजे अमेरिकन गुप्तचर संस्था सीआयएने (CIA) दिलेला अहवाल. अमेरिकन गुप्तचर संस्थेच्या अहवालानुसार, खामेनींचा मृत्यू झाला असला तरीही इराणमधील सत्ताधारी नेतृत्व अजूनही स्थिर असून सरकार कोसळण्याची कोणतीही शक्यता दिसत नाही. त्यामुळे ट्रम्प यांनी केलेला दावा फोल ठरत असल्याची चर्चा सुरू झाली आहे.

CIA Intelligence Report On Iran War : इराणमध्ये नेतृत्व अजूनही स्थिर

अमेरिकन गुप्तचर यंत्रणांच्या अहवालात स्पष्ट करण्यात आलं आहे की, इराणमधील कट्टर नेतृत्व अजूनही सत्तेत मजबूत आहे. त्यामुळे युद्ध संपवण्याचा मार्ग सहज नाही, असंही या अहवालात नमूद करण्यात आलं आहे. दरम्यान, 28 फेब्रुवारी रोजी इराणचे सर्वोच्च नेते अयातुल्ला खामेनी यांच्या मृत्यूनंतरही देशातील एकजूट कायम असल्याचं या अहवालात म्हटलं आहे. या अहवालावर व्हाईट हाऊसकडून अद्याप कोणतीही अधिकृत प्रतिक्रिया देण्यात आलेली नाही.

Iran Us War Cost : 10 दिवसांत अमेरिकेचा 83 हजार कोटींचा खर्च

या युद्धाचा अमेरिकेच्या अर्थव्यवस्थेवरही मोठा परिणाम झाल्याचं समोर आलं आहे. गुप्तचर संस्थेच्या अहवालानुसार, अमेरिकेने अवघ्या 10 दिवसांत सुमारे 83 हजार कोटी रुपयांचा खर्च केला आहे.

बॉम्ब आणि क्षेपणास्त्रांवर : 28 हजार कोटी रुपये

हवाई मोहिमांसाठी : 1200 कोटी रुपये

नौदल मोहिमांसाठी : 700 कोटी रुपये

या आकडेवारीवरून युद्ध अमेरिकेसाठी किती महाग ठरत आहे, हे स्पष्ट होत असल्याची चर्चा सुरू आहे.

Donald Trump Claim On Iran War : ट्रम्प यांचा विजयाचा दावा कायम

दरम्यान, या सर्व घडामोडींनंतरही डोनाल्ड ट्रम्प यांनी युद्ध जिंकल्याचा दावा कायम ठेवला आहे. ट्रम्प यांच्या म्हणण्यानुसार, इराणचे अनेक महत्त्वाचे नेते मारले गेले असून इराणची 58 जहाजे नष्ट करण्यात आली आहेत. तसेच इराणचे लष्कर, वायुदल आणि नौदल जवळपास उद्ध्वस्त झालं असल्याचा दावा त्यांनी केला आहे. अमेरिका जेव्हा ठरवेल तेव्हा युद्ध थांबेल आणि ते लवकरच संपणार असल्याचा दावाही ट्रम्प यांनी केला. 

Iran Conditions On War : युद्ध थांबवण्यासाठी इराणच्या 3 अटी

दुसरीकडे इराणच्या राष्ट्राध्यक्षांनी युद्ध थांबवण्यासाठी तीन महत्त्वाच्या अटी ठेवल्या आहेत. 

तेहरानच्या कायदेशीर हक्कांना आंतरराष्ट्रीय स्तरावर मान्यता

2. युद्धामुळे झालेल्या नुकसानाची आर्थिक भरपाई

3. भविष्यात इराणवर कोणताही हल्ला होणार नाही याची ठोस हमी

इराणच्या या अटी पूर्ण झाल्यासच युद्ध थांबवण्याच्या दिशेने पुढील पावले उचलली जातील, असे इराणकडून स्पष्ट करण्यात आले आहे.

ही बातमी वाचा: