Indians In US h1b Visa Pilot Program: अमेरिकेचा H-1B व्हिसाबाबत मोठा निर्णय; भारतीयांना सर्वाधिक फायदा
H-1B व्हिसा हा नॉन-इमिग्रंट व्हिसा आहे. हे अमेरिकन कंपन्यांना परदेशी कामगार ठेवण्याची परवानगी देते. जेव्हा एखादी व्यक्ती अमेरिकन कंपनीत काम करते तेव्हा त्याला H-1B व्हिसा दिला जातो.
Indians In US h1b Visa Pilot Program: अमेरिकेच्या (America) बायडन सरकारनं (Joe Biden Govt) एक मोठा निर्णय घेतला आहे, ज्याचा भारतीयांना (India) मोठा फायदा होणार आहे. अमेरिकन सरकारनं H-1B व्हिसाच्या देशांतर्गत नूतनीकरणासाठी पायलट कार्यक्रम सुरू केला आहे. 24 जानेवारीपासून हा उपक्रम सुरू होणार आहे. हा H-1B व्हिसा पायलट प्रोग्राम फक्त भारतीय आणि कॅनेडियन नागरिकांसाठी आहे. या अंतर्गत अमेरिकेत काम करणाऱ्या भारतीय आयटी प्रोफेशनल्स आणि कॅनडाच्या नागरिकांना फायदा होणार आहे. हा कार्यक्रम अशा कंपन्यांसाठी देखील आहे, ज्यांचे H-1B कर्मचारी कामासाठी परदेशात जाऊ इच्छितात.
पंतप्रधान नरेंद्र मोदी (PM Narendra Modi) यांच्या दौऱ्यानंतर अनेक महिन्यांनी अमेरिकेनं हा निर्णय घेतला आहे. जूनमध्ये, जेव्हा पंतप्रधान मोदी अमेरिकेच्या राज्य दौऱ्यावर गेले होते, तेव्हा H-1B व्हिसाच्या नूतनीकरणाची प्रक्रिया सुलभ करण्यासाठी काम सुरू होतं. पंतप्रधान मोदींच्या दौऱ्याच्या वेळी या कार्यक्रमाची औपचारिक घोषणा करण्यात आली.
व्हिसाचं नूतनीकरण कसं केलं जातं?
H-1B व्हिसा हा नॉन-इमिग्रंट व्हिसा आहे. हे अमेरिकन कंपन्यांना परदेशी कामगार ठेवण्याची परवानगी देतं. जेव्हा एखादी व्यक्ती अमेरिकन कंपनीत काम करते, तेव्हा त्या व्यक्तीला H-1B व्हिसा दिला जातो. आत्तापर्यंत असं होतं की, एखाद्या व्यक्तीचा H-1B व्हिसाची मुदत संपली असेल, तर त्याचं नूतनीकरण करून घेण्यासाठी त्याला पुन्हा त्याच्या देशात परतावं लागत होतं. मात्र, आता नूतनीकरण प्रक्रियेसाठी घरी यावं लागणार नाही.
आता तुम्ही अमेरिकेत असताना तुमचा व्हिसा मेल करू शकता आणि त्यानंतर त्याचं नूतनीकरण केलं जाईल. नूतनीकरण प्रक्रियेदरम्यान व्यक्तीला यूएस बाहेर राहण्याची आवश्यकता नाही. व्हिसाच्या नूतनीकरणाची ही प्रक्रिया केवळ वर्क व्हिसासाठी असल्याचं त्यांनी स्पष्ट केलं. इतर प्रकारच्या व्हिसाच्या प्रक्रियेत कोणताही बदल नाही.
भारतीयांना काय होणार फायदा?
भारतीय-अमेरिकन समुदायाचे नेते अजय जैन भुटोरिया यांनी बायडन सरकारच्या या निर्णयाचं वर्णन 'महत्त्वाचं' असं केलं आहे. H-1B व्हिसाच्या नूतनीकरणाची प्रक्रिया सोपी केल्यानं सुमारे 10 लाख लोकांना फायदा होईल आणि त्यात मोठी संख्या भारतीयांची असेल. लाखो भारतीय अमेरिकेत काम करत आहेत. 2022 मध्ये, यूएस सरकारनं 4.42 लाख लोकांना H-1B जारी केला होता. त्यापैकी 73 टक्के भारतीय होते.
H1B व्हिसा म्हणजे काय?
H-1B व्हिसा हा नॉन-इमिग्रंट व्हिसा आहे. H1B व्हिसा सामान्यतः अमेरिकेत कामासाठी जाणाऱ्या लोकांना दिला जातो. सोप्या शब्दांत सांगायचं झालं तर, हा व्हिसा अमेरिकन कंपन्यांमध्ये काम करणाऱ्या अशा कुशल कर्मचाऱ्यांना कामावर घेण्यासाठी दिला जातो, ज्यांची अमेरिकेत कमतरता आहे. यानंतर त्याला ग्रीन कार्ड दिलं जातं. या व्हिसाची वैधता सहा वर्षांची आहे. अमेरिकन कंपन्यांच्या मागणीमुळे भारतीय आयटी व्यावसायिकांना हा व्हिसा सर्वाधिक मिळतो. ज्या लोकांचा H-1B व्हिसाची मुदत संपत आहे ते अमेरिकन नागरिकत्वासाठी अर्ज करू शकतात. H-1B व्हिसा धारण करणारी व्यक्ती आपल्या मुलांसह आणि पत्नीसह अमेरिकेत राहू शकते.
महत्त्वाच्या बातम्या
ट्रेंडिंग न्यूज
