Gautam Adani news : मुकेश अंबानी यांना मागे टाकत गौतम अदानी जगातील टॉप 10 श्रीमंतांमध्ये सामील, सहाव्या क्रमांकावर मिळवले स्थान
Gautam Adani news : अदानी समूहाचे अध्यक्ष गौतम अदानी जगातील टॉप 10 श्रीमंत व्यक्तींच्या यादीत सहाव्या स्थानावर पोहोचले आहेत.
Gautam Adani news : अदानी समूहाचे अध्यक्ष गौतम अदानी जगातील टॉप 10 श्रीमंत व्यक्तींच्या यादीत सहाव्या स्थानावर पोहोचले आहेत. त्यांनी रिलायन्स इंडस्ट्रीजचे चेअरमन मुकेश अंबानी यांनाही मागे टाकले आहे. अदानी समूहाच्या कंपन्यांमधील नेत्रदीपक तेजीमुळे गौतम अदानी 118 अब्ज डॉलर्सच्या संपत्तीसह जगातील सहाव्या क्रमांकाच्या श्रीमंत व्यक्तींमध्ये आपले स्थान निर्माण केले आहे. ब्लूमबर्ग अब्जाधीश निर्देशांकानुसार, मुकेश अंबानी $97.4 अब्ज संपत्तीसह 11व्या स्थानावर आहेत.
प्रत्यक्षात अदानी समूहाच्या सात कंपन्या शेअर बाजारात सूचिबद्ध आहेत. या कंपन्यांमध्ये अदानी ग्रीन एनर्जी, अदानी पॉवर, अदानी विल्मर, अदानी टोटल गॅस, अदानी पोर्ट्स, अदानी एंटरप्रायझेस आणि अदानी ट्रान्समिशन यांचा समावेश आहे. गेल्या तीन ट्रेडिंग सत्रांमध्ये अदानी ग्रुपच्या कंपन्यांच्या शेअर्समध्ये प्रचंड वाढ झाली आहे. त्यामुळे गौतम अदानी यांच्या संपत्तीत प्रचंड वाढ झाली आहे.
ब्लूमबर्ग अब्जाधीशांच्या निर्देशांकानुसार, टेस्लाचे इलॉन मस्क हे 249 अब्ज डॉलर्सच्या संपत्तीसह जगातील टॉप 10 श्रीमंतांच्या यादीत अव्वल स्थानावर आहेत. तर, या यादीत अॅमेझॉनचे जेफ बेकोस दुसऱ्या स्थानावर आहेत. आतापर्यंत जगातील टॉप 10 अब्जाधीशांपैकी 8 व्यक्ती अमेरिकेतील, एक फ्रान्स आणि एक भारताचा आहे आणि यामध्ये गौतम अदानी यांचे नाव आहे. त्याच वेळी, गौतम अदानी आणि वॉरन बफे ही जगातील टॉप 10 श्रीमंतांमध्ये दोनच नावे आहेत ज्यांच्या संपत्तीत या वर्षी प्रचंड वाढ झाली आहे.
टॉप 10 अब्जाधीशांच्या यादीत गौतम अदानी यांनी सर्वाधिक संपत्ती जमा केली आहे. या वर्षी त्यांची संपत्ती 41.6 अब्ज डॉलरने वाढली आहे. तर, मुकेश अंबानी यांच्या संपत्तीत या वर्षात आतापर्यंत केवळ 7.45 अब्ज डॉलरची वाढ झाली आहे. या यादीत पहिल्या टॉप 10 मध्ये असलेले रिलायन्स इंडस्ट्रीजचे चेअरमन मुकेश अंबानी आता 11व्या क्रमांकावर घसरले आहेत. मात्र, रशिया-युक्रेन युद्ध, वाढती महागाई आणि कच्च्या तेलाची उसळी यामुळे जगात अस्थिरतेचे सावट असताना गौतम अदानी यांच्या संपत्तीत ही वाढ झाली आहे.
महत्वाच्या बातम्या :
- Sri Lanka Gold Rate : सोन्याच्या लंकेत खऱ्याखुऱ्या सोन्याचा भाव चक्रावून सोडणारा, एक तोळा सोनं तब्बल...
- Russia Ukraine Crisis : रशियाकडून तेल आयात करत भारताकडून निर्बंधांचं उल्लंघन? अमेरिकेनं केलं 'हे' वक्तव्य
- Omicron : सावधान! दक्षिण आफ्रिकेतील शास्त्रज्ञांनी शोधले ओमायक्रॉनचे दोन नवे ‘सब-व्हेरिएंट’, नवे स्ट्रेन किता धोकादायक?
Before You Go
Special Report Gandhi Topi : उर्दू शाळेची शान, गांधी टोपीला मान, गणवेशात गांधी टोपी
महत्त्वाच्या बातम्या
