Elon Musk : जॉनी डेप-एम्बर हर्ड यांच्यावर वादावर एलॉन मस्क यांचं ट्विट, म्हणाले...

Elon Musk on Johnny Depp Vs Amber Heard : हॉलिवूड अभिनेता जॉनी डेपने अभिनेत्री एम्बर हर्डवर टेस्लाचा मालक एलॉन मस्क यांच्यासोबत अफेअर असल्याचा आरोप केला आहे. आता एलॉन मस्कने यावर ट्विट केलं आहे.

Elon Musk on Johnny Depp Vs Amber Heard

Elon Musk on Johnny Depp Vs Amber Heard : हॉलिवूड अभिनेता जॉनी डेप (Johnny Depp) आणि पूर्वाश्रमीची पत्नी अभिनेत्री एम्बर हर्ड (Amber Heard) यांच्यातील सुरू असलेल्या मानहानीचा खटला चांगलाच चर्चेत आहे. खटल्यादरम्यान अनेक गोष्ट समोर येतं असून त्यावर चर्चा सुरू आहे. आता या हॉलिवूड जोडप्याच्या भांडणात टेस्लाचे मालक एलॉन मस्क (Elon Musk) यांचं नवं ट्विट समोर आलं आहे. टेस्लाचे मालक अब्जाधीश एलॉन मस्क यांनी ट्विट करत या दोघांना अविश्वसनीय म्हटलं आहे आणि आशा व्यक्त केली आहे की दोघेही त्यांच्या आयुष्यात पुढे जातील.

एलॉन मस्क यांच हे ट्विट सध्या चांगलंच चर्चेत आलं आहे. सुनावणीदरम्यान जॉनी डेपने एम्बर हर्डवर एलॉन मस्कसोबत अफेअर असल्याचा आरोप केला होता. एवढेच नाही तर जॉनीने मस्क यांच्यावर एम्बर आणि अन्य एका मॉडेलसोबत संबंध ठेवल्याचा आरोपही केला होता. यावर एम्बरने सांगितलं की, जेव्हा ती मेट गालामध्ये जॉनी डेपसोबत उभी होती तेव्हा तिची मस्कशी भेट झाली. तेव्हा तिने त्याला ओळखत नव्हती. यानंतर मस्क यांनी शनिवारी आपल्या ट्विटमध्ये जॉनी डेप आणि एम्बर हर्ड यांच्यासाठी ट्विट करत म्हटलं आहे की, 'मला आशा आहे की ते दोघे पुढे वाटचाल करतील. ते दोघेही सर्वोत्तम आणि अविश्वसनीय आहेत.'

I hope they both move on. At their best, they are each incredible.

— Elon Musk (@elonmusk) May 28, 2022

 

जॉनी डेप आणि एम्बर हर्ड यांच्यातील सहा आठवड्यांची चाचणी आता अंतिम टप्प्यात आली आहे. जॉनी आणि एम्बर 2015 ते 2017 पर्यंत पती-पत्नी होते. त्यानंतर, मे 2016 मध्ये एम्बरने डेपविरुद्ध घरगुती हिंसाचाराचा आरोप केला. यानंतर एम्बरने डिसेंबर 2018 मध्ये एका अमेरिकन वृत्तपत्रात एक लेख लिहिला, ज्यात स्वत:ला घरगुती हिंसाचाराचा बळी असल्याचं सांगितलं.

यावर जॉनी डेपने एम्बरविरुद्ध खटला दाखल केला आणि 50 दशलक्ष डॉलर नुकसान भरपाई मागितली. प्रत्युत्तरादाखल एम्बरने शारीरिक हिंसा आणि छळाचा दावाही करत 100 दशलक्ष डॉलर नुकसान भरपाई मागितली. यावरील सुनावणी सहा आठवडे चालणार आहे. यादरम्यान न्यायालयात डझनभर लोकांचे जबाब नोंदवण्यात आले आहेत.

महत्त्वाच्या इतर बातम्या