America vs Iran : अमेरिका इराणमध्ये सैन्य पाठवणार का? डोनाल्ड ट्रम्प यांनी चित्र स्पष्ट केलं, म्हणाले...
Iran Israel US War: अमेरिका कधीही खर्ग बेटावर ताबा मिळवू शकते, असं डोनाल्ड ट्रम्प यांनी म्हटलं. नाटो देशांच्या तुलनेत जपान इराण विरोधात सक्रीय असल्याचं ट्रम्प म्हणाले.
न्यूयॉर्क : अमेरिकेचे अध्यक्ष डोनाल्ड ट्रम्प यांनी 19 मार्चला पुन्हा एकदा इराणचं हवाई दल आणि नौदल संपल्याचा दावा केला. अमेरिकेचं सैन्य जेव्हा गरज असेल तेव्हा खर्ग बेटावर ताबा मिळवेल, असं ट्रम्प म्हणाले. अमेरिकेचं सैन्य कुठेही तैनात केलं जाणार नाही असं ट्रम्प म्हणाले. दोन दिवसांपूर्वी डोनाल्ड ट्रम्प यांनी इराणच्या जमिनीवर अमेरिकेचं सैन्य उतरवण्यासाठी घाबरत नसल्याचं ट्रम्प म्हणाले होते.
जपानच्या एका पत्रकारानं डोनाल्ड ट्रम्प यांना विचारलं की इराणवर हल्ला करण्यापूर्वी अमेरिकेनं मित्र राष्ट्रांना विश्वासात का घेतलं नाही. ट्रम्प यांनी जपानच्या पंतप्रधानांच्या उपस्थितीत म्हटलं की दुसऱ्या महायुद्धातात जपानने अमेरिकेच्या पर्ल हार्बरवर हल्ला करताना कोणाला सांगितलं होत का की ते कोणावर हल्ला करत आहेत.
इराण जगासाठी धोकादायक
डोनाल्ड ट्रम्प यांनी इराण जगासाठी धोका असल्याचं ट्रम्प म्हणाले. या मताशी सर्व देश सहमत आहेत, असाही दावा त्यांनी केला. मी कुठेही सैन्य पाठवत नाही आणि जर पाठवत असलो तर कोणाला सांगत नाही. इराणचं हवाई दल, नौदल संपलेलं आहे. त्यांची हवाई सुरक्षा यंत्रणा संपलेली आहे. आम्ही जिथं हवं तिथं उड्डाण करु शकतो, कोणीही आमच्यावर हल्ला करत नाही, असं ट्रम्प म्हणाले.
आम्ही जेव्हा हवं तेव्हा खर्ग बेटावर ताबा मिळवू शकतो, ते छोटं बेट असून पूर्णपणे असुरक्षित आहे. आम्ही तिथं पाईप सोडून सर्व नष्ट केलं आहे. आमच्याकडे जगातील सर्वात शक्तिशाली सैन्य आहे, आमच्याकडे चांगली शस्त्र आहेत. काल एका ठिकाणी 114 रॉकेटचा मारा करण्यात आला, आम्ही ते हाणून पाडलं.
नेतन्याहूंबद्दल ट्रम्प काय म्हणाले?
बेंजामिन नेतन्याहू यांना तेल आणि गॅसच्या क्षेत्रात हल्ले करु नयेत असं सांगितल्याचा दावा देखील ट्रम्प यांनी केला. डोनाल्ड ट्रम्प यावेळी नाटो सदस्य देशांवर संतापले. जपान त्या देशांपेक्षा सक्रीय असल्याचं ट्रम्प म्हणाले.
महत्त्वाच्या बातम्या
