एक्स्प्लोर
Advertisement
पोटच्या 13 मुलांना बेडला बांधलं, अमेरिकेत दाम्पत्याला अटक
दाम्पत्याच्या 10 वर्षांच्या मुलीनं रविवारी सकाळी कसाबसा घरातून पळ काढला आणि पालकांनी केलेला छळ, भावंडांची परिस्थिती पोलिसांना सांगितली
वॉशिंग्टन : पोटच्या 13 मुलांना ओलिस ठेवून अमानुष छळ करणाऱ्या पालकांना अटक करण्यात आली आहे. अमेरिकेतील कॅलिफोर्नियात ही धक्कादायक घटना उघडकीस आली आहे.
कॅलिफोर्नियातील पॅरिस भागात राहणारा 57 वर्षीय डेव्हिड तुर्पिन आणि 47 वर्षीय लुईस तुर्पिन या दाम्पत्याला पोलिसांनी बेड्या ठोकल्या.
दाम्पत्याच्या 10 वर्षांच्या मुलीनं रविवारी सकाळी कसाबसा घरातून पळ काढला आणि पालकांनी केलेला छळ, भावंडांची परिस्थिती पोलिसांना सांगितली. मुलीच्या तक्रारीनंतर पोलिस घटनास्थळी दाखल झाले.
घरात त्यांना इतर 12 मुलांना अंधाऱ्या खोलीत, बेडला साखळ्यांनी बांधून ठेवल्याचं धक्कादायक चित्र दिसलं. घरात दुर्गंधी पसरली होती. त्यानंतर पोलिसांनी तुर्पिन दाम्पत्याला अटक केली.
सर्वात धाकट्या मुलाचं वय दोन वर्ष, तर सर्वात मोठ्या मुलाचं वय 29 वर्ष आहे. सात मुलांचं वय 18 वर्षांपेक्षा जास्त आहे. सर्वच मुलं कुपोषित झाली होती.
तुर्पिन दाम्पत्य आपल्या मुलांना अशी वागणूक का देत होतं, याचा शोध पोलिस घेत आहेत.
अधिक पाहा..
Advertisement
Advertisement
Advertisement
महत्त्वाच्या बातम्या
भारत
मुंबई
आयपीएल
राजकारण
Advertisement
ट्रेंडिंग न्यूज
for smartphones
and tablets
and tablets