(Source: ECI/ABP News/ABP Majha)
Afghanistan : ...काबुल अभी बाकी है! जलालाबाद जिंकल्यानंतर तालिबान्यांची काबुलकडे कूच
Taliban Captures Jalalabad : कंदहार जिंकल्यानंतर आता तालिबानी दहशतवाद्यांनी जलालाबाद हे मोठं शहर आपल्या नियंत्रणाखाली आणलं आहे. त्यामुळे आता काबुलकडे जाण्याचा त्यांचा मार्ग अधिक सुकर झाला आहे.
नवी दिल्ली : अमेरिकन सैन्य माघारी गेल्यानंतर आता तालिबान या दहशतवादी संघटनेने अफगाणिस्तानमध्ये धुमाकूळ घातला असून एकावर एक प्रदेशावर नियंत्रण प्रस्थापित करायला सुरु केली आहे. कंदहार जिंकल्यानंतर आता तालिबानने जलालाबाद हे मोठं शहरही आपल्या घश्यात घातलं असून आता काबुलकडे कूच सुरु केली आहे. त्यामुळे अफगाणिस्तान आता पुन्हा एकदा अनागोंदीच्या वातावरणात सापडणार हे स्पष्ट झालंय.
अफगाणिस्तानची राजधानी काबुलनंतर जलालाबाद हे एकमेव मोठं शहर होतं ज्यावर तालिबान्यांना आपला कब्जा मिळवता आला नव्हता. आता कंदहारनंतर जलालाबादही पडलं असून त्यावर तालिबान्यांनी आपलं नियंत्रण प्रस्थापित केलं आहे.
कंदहारमधील मुख्य रेडिओ स्टेशन ताब्यात
अफगाणिस्तानमधील परिस्थिती वेगाने चिघळत असून देश अनागोंदीच्या उंबरठ्यावर पोहोचला आहे. देशातील दुसरं मोठं आणि महत्वाचं शहर असलेल्या कंदहारवर आता तालिबान्यांनी कब्जा मिळवला आहे. या शहरात अफगाणिस्तानचे मुख्य रेडिओ स्टेशन आहे, त्यावरही तालिबान्यांनी कब्जा मिळवला आहे. तालिबानी दहशतवादी आता ज्या वेगाने एक-एक प्रदेशावर कब्जा मिळवत आहेत ते पाहता त्यांच्यासाठी आता राजधानी 'काबुल दूर नही' अशी काही परिस्थिती आहे.
तालिबान्यांनी कंदहारवर कब्जा मिळवल्यानंतर आता ते काबुलकडे कूच करणार असल्याचं स्पष्ट झालं आहे. त्यामुळे अमेरिकेने आपल्या नागरिकांना अफगाणिस्तान सोडण्याचा सल्ला दिला आहे. तसेच तालिबान्यांनी अमेरिकन दूतावासाला लक्ष्य करु नये असंही सांगितलं आहे.
अमेरिकेचे अध्यक्ष जो बायडेन यांनी अफगाणिस्तानमधून आपलं सैन्य माघारी घेण्याचा निर्णय घेतला. अमेरिकेच्या या निर्णयामुळे जगाला वाटत असलेली चिंता आता खरी होताना दिसत आहे. अफगाणिस्तानमध्ये तालिबानने पुन्हा एकदा डोकं वर काढलं असून त्यांनी मोठ्या भूभागावर वर्चस्व मिळवल्याचं स्पष्ट झालंय.
अफगाणिस्तानमधीला या परिस्थितीवर चर्चा करण्यासाठी कतारची राजधानी दोहा या ठिकाणी बैठकीचे सत्र सुरु आहे. यामध्ये चीन, अमेरिका, पाकिस्तान, रशिया, ब्रिटन, फ्रान्स, यांच्यासोबत भारताचाही समावेश आहे.
भारतीयांनो परत या, केंद्र सरकारचा सल्ला
अफगाणिस्तानमधील तालिबान्यांच्या मदतीने लष्कर-ए-तोयबा आणि भारतात सक्रिय असलेल्या इतर दहशतवादी संघटना या कंदहारमधील भारतीय दूतावासाला लक्ष्य करु शकतात अशी शक्यता गुप्तचर खात्याने वर्तवली होती. त्यामुळे या आधीच भारताने आपल्या दूतावासातील अधिकाऱ्यांना विशेष विमानाने सुरक्षित भारतात आणलं आहे. त्यानंतर भारताने कंदहार नंतर मजार-ए-शरीफमधील आपले वाणिज्य दूतावास बंद करण्याचा निर्णय घेतला आहे. भारत सरकारने आपले मुत्सद्दी, अधिकारी आणि इतर भारतीयांना परत आणण्याचा निर्णय घेतला आहे.
महत्वाच्या बातम्या :
महत्त्वाच्या बातम्या
ट्रेंडिंग न्यूज
