Viral: पतीसोबत जोरदार भांडण, पत्नीची चालत्या ट्रेनमधून उडी; प्रवाशांनी व्हिडीओ बनवून केला व्हायरल, नेटकरी आश्चर्यचकित

Viral: एका महिलेने चालत्या ट्रेनमधून खाली उडी मारल्याचा व्हिडीओ व्हायरल होत आहे. प्रवाशांनी घडलेल्या प्रकाराचा व्हि़डीओ मोबाईलमध्ये कैद केलाय. 

Viral lifestyle marathi news fight with husband wife jumps from moving train Passengers made a video

Source : Google

Viral: असं म्हणतात की नवरा बायको यांच्यातील वाद थोड्या काळासाठी असतात, थोड्या वेळानंतर ते एकमेकांशी बोलायला लागतात. कारण त्यांच्यात प्रेमही तितकेच असते. ते दोघेही एकमेकांशिवाय राहू शकत नाही, सध्या सोशल मीडियावर पती-पत्नीच्या भांडणाचा एक व्हिडिओ व्हायरल होत आहे, ज्यामध्ये एक महिला चक्क ट्रेनमधून उडी मारताना दिसत आहे. ही घटना मध्य-प्रदेशातील असून या व्हिडीओवर नेटकऱ्यांनी विविध प्रतिक्रिया दिल्या आहेत.

चालत्या ट्रेनमधून महिलेची उडी.. काय आहे या व्हिडीओमध्ये?

या व्हिडीओत दिसत असल्याप्रमाणे मध्य प्रदेशातील ओरई आणि अटा स्थानका दरम्यान धावणाऱ्या बरौनी एक्स्प्रेसमधील ही घटना आहे. ट्रेनमध्ये प्रवासी मोठ्या संख्येने आहेत, बसायला जागा दिसत नाही, त्यामुळे ट्रेनच्या गेटवरही अनेकजण बसलेले आहेत. महिला तिच्या पतीसोबत रेल्वेच्या दरवाजाजवळ होती, पण काही कारणावरून ट्रेनमध्येच पती-पत्नीमध्ये वाद झाला. पती-पत्नीमध्ये सुरू असलेला वाद ट्रेनमधील प्रवासी पाहत होते. काहीजण त्याचे व्हिडिओ रेकॉर्डिंगही करत होते. या वादात महिला अचानक गेटजवळ जाऊन दाराला लटकली. यावेळी तिला तिचा हात गमवावा लागला आणि ती चालत्या ट्रेनमधून खाली पडली. महिला खाली पडल्याची घटना घडताच ट्रेनच्या डब्ब्यात एकच गोंधळ उडाला.

बरौनी एक्सप्रेस ट्रेन में पति-पत्नी ने आपस में हुई मारपीट

उसके बाद पत्नी ने चलती ट्रेन से उरई से आटा रेलवे स्टेशन के बीच छलांग लगा दी pic.twitter.com/vkbd4juIit

— Avinash Tiwari (@TaviJournalist) November 2, 2024

नेटकऱ्यांकडून विविध प्रतिक्रिया

गेटजवळ उभी असलेली काही मुलेही रडताना दिसत आहेत. जणू ती त्या महिलेचीच मुलं आहेत. दारू पिऊन भांडण करत चालत्या ट्रेनमधून उडी मारली, असंही एका प्रवाशाला ऐकायला मिळतं. यानंतर ट्रेन थांबवण्यात आली मात्र महिलेचा जीव वाचला की नाही हे स्पष्ट झालेले नाही. या घटनेचा व्हिडिओ व्हायरल होत आहे. काही लोक म्हणतात की पतीने जाणूनबुजून आपल्या पत्नीला ट्रेनमधून उडी मारण्याची परवानगी दिली, तर काही लोक म्हणतात की दारू पिऊन आणि भांडण झाल्यावर तिने स्वतः उडी मारली. या व्हिडीओमध्ये घडलेल्या घटनेमुळे धक्का बसलेले प्रवासी आणि त्रासलेली मुले स्पष्टपणे दिसत आहेत.

 

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )