Viral Video : अनोखे ब्राइडल फोटोशूट! चक्क खड्डे आणि चिखलाने भरलेल्या रस्त्यात नववधूचा वॉक, नेटकरी झाले थक्क
Trending Viral Video News : गळ्यात सोन्याचे दागिने आणि हातावर मेहंदी, चेहऱ्यावर मेकअप आणि लाल साडी नेसलेल्या केरळच्या सुंदर अशा नववधूचे फोटो आणि व्हिडीओ व्हायरल होत आहेत.
New Bride Viral Video : लग्नाला (Wedding) नवीन आयुष्याची सुरुवात म्हणून पाहिले जाते. यानिमित्ताने लोक आठवणी जतन करण्याचा प्रयत्न करतात. नववधूच्या (Bride) फोटोशूटचा ट्रेंड म्हणजेच ब्राइडल फोटोशूट (Viral Photo Shoot) सध्या खूप लोकप्रिय होत आहे. गळ्यात सोन्याचे दागिने आणि हातावर मेहंदी, मेकअप आणि लाल साडी नेसलेल्या केरळच्या सुंदर अशा नववधूचे फोटो आणि व्हिडीओ व्हायरल होत आहेत.
लाल साडीत खड्डे आणि चिखलाने भरलेल्या रस्त्यात केला वॉक
व्हायरल व्हिडीओमध्ये नववधू लाल साडीत एका खड्ड्यांनी भरलेल्या रस्त्यावर चिखलात फोटोशूट करताना दिसत आहे. ज्या ठिकाणी फोटोशूट होत आहे, त्या ठिकाणीही वाहनांची वर्दळ दिसतेय. खड्ड्यांमध्ये भरलेल्या पाण्यामध्येही नववधू वेगवेगळ्या पद्धतीने फोटो क्लिक करत आहेत. ते ठिकाण मल्लपुरममधील पुकोट्टुमपदम येथील आहे.
View this post on Instagram
वधूला मिळाले 4 मिलियन पेक्षा जास्त व्ह्यूज
व्हायरल फोटोशूटमध्ये खड्डेमय रस्त्यावरून चाललेल्या केरळच्या नववधूला 4 मिलियन पेक्षा जास्त व्ह्यूज मिळाले आहेत. ही व्हिडीओ क्लिप एरो वेडिंग कंपनीने इंस्टाग्रामवर शेअर केली आहे. गळ्यात सोन्याचे दागिने आणि हातावर मेहंदी, मेकअप आणि लाल साडी नेसलेल्या केरळच्या नववधूचा फोटो व्हायरल होत आहे. या नववधूने हसत हसत खड्डे आणि चिखलाने भरलेल्या रस्त्यावर फोटोशूट केले.
नेटकरी झाले थक्क
नववधू आणि वेडिंग फोटोग्राफरनेही त्यांच्या वास्तववादी कल्पनेला वेगळ्या उंचीवर नेऊन प्रेक्षकांना थक्क केले. खड्ड्यांची समस्या सांगत केरळची वधू आणि लग्नाच्या छायाचित्रकाराने परिसरातील खड्ड्यांची समस्या ठळकपणे मांडण्यासाठी हा अनोखा मार्ग अवलंबला. खड्ड्याने भरलेल्या रस्त्यावरून जाणाऱ्या वधूला कॅमेऱ्याच्या लेन्समध्ये कैद करणाऱ्या तरुणावर इंस्टाग्राम युजर्सनी कमेंट्सचा वर्षाव केला आहे.
जीर्ण रस्त्यावरून मोठ्या आत्मविश्वासाने चालताना दिसली
पारंपारिक लग्नाचा पोशाख परिधान केलेली, सुंदर लाल साडी परिधान केलेली नववधू, जीर्ण झालेल्या रस्त्यावरून मोठ्या आत्मविश्वासाने चालताना दिसली. एरो वेडिंग कंपनीने हा व्हिडिओ इंस्टाग्रामवर शेअर केला आहे. व्हिडीओ क्लिपमध्ये महिलेला लग्नाचे पारंपरिक कपडे घातलेले दिसत आहेत. रत्नजडित नववधू चिखलमय रस्त्यावरून जाणे थक्क करणारे आहे. दागिन्यांनी भरलेल्या नववधूच्या फोटोशूट दरम्यान, खड्ड्यांशी संघर्ष करणारे लोक वाहनांमधून सावधपणे चालताना दिसतात. केरळच्या अनेक भागातून अनेकदा खराब झालेले रस्ते आणि वाहन चालकांच्या अपघातंच्या बातम्या येत असतात. रस्त्यात मोठमोठे खड्डे आणि जिकडे-तिकडे चिखल असताना वाहने आजूबाजूने गेली तरी नववधूंच्या आत्मविश्‍वासाला तडा जात नाही.
कल्पनेचे कौतुक
नववधू आणि छायाचित्रकाराच्या या कल्पनेचे कौतुक नेटिझन्सच्या कमेंट्समध्ये वाचले जाऊ शकते. लोकांनी कमेंट सेक्शनमध्ये आपली मते मांडली. छायाचित्रकाराने वधूने खड्डेमय रस्त्यावर फिरतानाचे अनेक फोटोही शेअर केले आहेत.
इतर बातम्या
Viral Video : विद्यार्थ्यानं गायलेल्या 'चंद्रा' लावणीनं नेटकऱ्यांना लावलं वेड; अमृता खानविलकरकडून कौतुक, व्हिडीओ तुफान व्हायरल
महत्त्वाच्या बातम्या
ट्रेंडिंग न्यूज
