Viral Video : भीषण! तरुणाला झाडाला लटकवलं अन् क्रूरतेच्या सगळ्या सीमा पार केल्या... नेमकं काय घडलं?

Chhattisgarh News : पाचही जणांनी एका तरुणाला झाडाला उलटं टांगून बेदम मारहाण केली. पोलिसांनी पाचही आरोपींना अटक केली आहे.

Beaten Man Viral Video

Trending News : पाच जणांनी मिळून एका तरुणाला झाडाला उलटं लटकवून बेदम मारहाण केल्याचा धक्कादायक व्हिडीओ सध्या समोर आला आहे. मारहाणीत तरुण गंभीर जखमी झाला आहे. छत्तीसगडच्या विलासपूर येथील ही घटना समोर आली आहे. याचा व्हिडीओ सध्या जोरदार व्हायरल होत आहे. त्यानंतर आता सिपत पोलिसांनी पाचही आरोपींना अटक केली आहे. व्हिडीओ व्हायरल झाल्यानंतर कायदा आणि सुव्यवस्थेवर प्रश्नचिन्ह उपस्थित करण्यात येत आहे.

आरोपींनी तरुणाला मारहाण करण्याबाबत सांगितलं 'हे' कारण
पाचही आरोपींनी चौकशी दरम्यान मारहाण करण्याचे कारण विचारल्यानंतर त्यांनी पीडित युवकावर चोरीचा आरोप लगावला आहे. चोरीचा आरोप करत आरोपींनी पीडित तरुणाला बेदम मारहाण केली. या मारहाणीचा व्हिडीओ व्हायरल झाल्यानंतर पोलिसांनी आरोपींना अटक केली.

#WATCH Chhattisgarh | A man was thrashed by 5 people as he was hung upside down from a tree in Bilaspur district

(Viral video) pic.twitter.com/hjclQDmt7m

— ANI MP/CG/Rajasthan (@ANI_MP_CG_RJ) May 1, 2022

नेमकं काय घडलं?
पोलिसांनी दिलेल्या माहितीनुसार, पीडित तरुण महावीर सुर्यवंशी रतनपूरमधील रहिवासी आहे. महावीर सिपत परिसरातील उच्छभट्टी गावात राहून तो मजूर आणि वॉचमन म्हणून काम करतो. पोलिसांना माहिती मिळाली की, 24-25 एप्रिलच्या मध्यरात्री मनीषने महावीरला घरात घुसण्याचा प्रयत्न करताना पाहिले होते. यावेळी महावीर पळून जाण्यात यशस्वी ठरला, मात्र दुसऱ्या दिवशी सोमवारी मनीषने महावीरला चोरीचा प्रयत्न केल्याचा आरोप करत त्याला पकडून पोलिसांच्या स्वाधीन केलं.

दरम्यान, पोलीस अधिकाऱ्यांनी सांगितले की, मनीषने महावीरविरुद्ध पोलिसांत गुन्हा नोंदवला नाही, त्यामुळे पोलिसांनी महावीरला इशारा देऊन सोडून दिलं. त्यानंतर मनिषने महावीरवर आरोप केला की बुधवारी रात्री महावीर पुन्हा त्याच्या घरी पोहोचला आणि बाहेर पार्क केलेल्या त्याच्या मोटरसायकलचे नुकसान करून पळून गेला. यानतरं गुरुवारी मनीष आणि इतर चार आरोपींनी महावीरला पकडले आणि कथितपणे त्याला गावातील वीटभट्टीजवळील झाडाला उलटे टांगून बेदम मारहाण केली, अशी माहिती पोलीस अधिकाऱ्यांनी दिली आहे.

महत्त्वाच्या बातम्या