Thane Crime : ठाणे पूर्वमध्ये कोपरीतील तरुणाची हत्या; धारदार शस्त्रांनी हत्या करून तरुण अन् तरुणी पोलिसांना शरण
धारदार शस्त्रांनी हत्या करून तरुण आणि तरुणी पोलिसांना शरण आले आहेत. सोहम परांजपे असे हत्या झालेल्या तरुणाचे नाव आहे. मैत्रीणीच्या वादातून हत्या झाल्याची प्राथमिक माहिती समोर आली आहे.
ठाणे : ठाणे पूर्वमध्ये (Thane Crime) तरुणाची धारदार शस्त्राने निर्घृण हत्या करण्यात आल्याने एकच खळबळ उडाली आहे. धारदार शस्त्रांनी हत्या करून तरुण आणि तरुणी पोलिसांना शरण आले आहेत. सोहम परांजपे असे हत्या झालेल्या तरुणाचे नाव आहे. मैत्रीणीच्या वादातून हत्या झाल्याची प्राथमिक माहिती समोर आली आहे. दरम्यान, मिळालेल्या माहितीनुसार सोहम परांजपेची राहत्या घरी हत्या करण्यात आली. अष्टविनायक चौकातील संचार सोसायटीमध्ये सोहम राहत होता. आज सायंकाळी साडे नऊ वाजता सोहमचा मृतदेह आढळून आला. मैत्रीणीच्या वादातून हत्या झाल्याची प्राथमिक माहिती आहे.
प्रेमसंबंधातून तरुणाने संपवले जीवन
दरम्यान, बीड (Beed) जिल्ह्यातील नेकनूरमध्ये धक्कादायक घटना घडली आहे. मुलीच्या आई-वडिलांकडून लग्नास नकार मिळाल्याने बीडच्या नेकनूर येथे तरुणाने गळफास घेऊन आत्महत्या केली. अनिकेत थोरात असं या तरुणाचं नाव असून त्याचा मृतदेह एका मंगल कार्यालयात गळफास घेतलेल्या अवस्थेत आढळून आला. या घटनेनं नेकनूर शहरात खळबळ उडाली आहे. याप्रकरणी, पोलिस (Police) अधिक तपास करत आहेत.
अनिकेतचे मागील चार वर्षांपासून एका मुलीबरोबर प्रेम संबंध होते, या दोघांचे लग्न करायचे देखील ठरले होते. यादरम्यान मुलीचे आई-वडील अनिकेतच्या घरी गेले असता मुलगी द्यायची की नाही यावरून वाद झाला. याच वादातून अनिकेत घरातून बेपत्ता झाला होता. त्यानंतर, कुटुंबीयांनी व मित्रपरिवाराने परिसरात शोधाशोध केली असता एका मंगल कार्यालयात अनिकेचा मृतदेह गळफास घेतलेल्या अवस्थेत आढळून आला. दरम्यान, अनिकेतच्या खिशात सुसाईड नोट सापडली असून त्यात पाच नावे आहेत. आता, या प्रकरणात नेकनूर पोलीस अधिक तपास करत आहे.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
