Thane Water Cut: ठाणेकरांनो पाणी जपून वापरा! शुक्रवारी ठाण्यातील काही भागात दुपारी 12 ते रात्री 12 पाणीपुरवठा राहणार बंद

ठाण्यात शुक्रवारी दुपारी 12 ते रात्री 12 या कालावधीत बंद राहणार आहे. त्यामुळे पाणी जपून वापरण्याचे आवाहन  विभागातील नागरिकांना केले आहे

Thane Water Cut

Thane Water Cut : ठाण्यच्या पाणीपुरवठ्याबाबत (Thane Water Cut Nws) मोठी बातमी समोर आली आहे. ठाण्यात शुक्रवारी  (1 डिसेंबर) पाणीपुरवठा विषयक दुरुस्ती कामामुळे ठाण्यातील काही  विभागातील काही परिसरांमध्ये पाणीपुरवठा खंडीत करण्यात येणार आहे.  ठाण्यात (Thane News)  काटई नाका येथे एमआयडीसीच्या जलवाहिनीची दुरुस्ती केली जाणार आहे. त्यामुळे या भागात होणारा पाणी पुरवठा शुक्रवारी दुपारी 12 ते रात्री 12 या कालावधीत बंद राहणार आहे. त्यामुळे पाणी जपून वापरण्याचे आवाहन  विभागातील नागरिकांना केले आहे. 

ठाणे महानगरपालिका क्षेत्रात मुंब्रा, दिवा, कळवा, माजिवडा मानपाडा व वागळे (काही भागात) प्रभाग समिती मध्ये महाराष्ट्र औद्योगिक विकास महामंडळामार्फत पाणी पुरवठा करण्यात येतो. महाराष्ट्र औद्योगिक विकास महामंडळामार्फत (एमआयडीसी) शुक्रवारी काटई नाका येथे जलवाहिनीच्या दुरुस्तीची कामे केली जाणार आहेत. या कामामुळे ठाणे महपालिका क्षेत्रात शुक्रवारी दुपारी 12 ते रात्री 12 या कालावधीत एमआयडीसीकडून होणारा पाणी पुरवठा बंद राहणार आहे. तातडीचे काम हाती घेतल्यामुळे शुक्रवारी 12  तास पाणी पुरवठा बंद ठेवण्यात आला आहे.

ठाण्यातील 'या' भागात राहणार पाणी बंद (Thane Water Cut)

ठाणे महापालिका क्षेत्रातील दिवा, मुंब्रा, कळवा, वागळे इस्टेट येथील रुपादेवी पाडा, किसननगर, नेहरूनगर आणि घोडबंदर येथील कोलशेत भागात एमआयडीसी मार्फत पाणी पुरवठा केला जातो. काटई नाका येथे एमआयडीसीच्या जलवाहिनीची दुरुस्ती केली जाणार आहे. त्यामुळे या भागात होणारा पाणी पुरवठा शुक्रवारी दुपारी 12 ते रात्री 12 या कालावधीत बंद राहणार आहे. तसेच दुरूस्तीनंतर पुढील एक ते दोन दिवस कमी दाबाने पाणी पुरवठा होण्याची शक्यता आहे अशी माहिती ठाणे महापालिकेच्या पाणी पुरवठा विभागाने दिली. 

पाणी जपून वापरण्याचं आवाहन

ठाणे महानगरपालिकेने बाधित भागातील रहिवाशांना त्यांच्या दैनंदिन गरजांसाठी पुरेसे पाणी साठवून ठेवण्याचा सल्ला दिला आहे आणि शटडाऊन दरम्यान महामंडळाला सहकार्य करावे. दुरुस्तीचे काम पूर्ण होताच पाणीपुरवठा सुरळीत केला जाईल, असे आश्वासन पालिकेने दिले आहे.  पाणी कपातीच्या कालावधीत ठाणेकर नागरिकांची गैरसोय होणार आहे. पाणी काटकसरीने वापरुन ठाणे महानगरपालिकेस सहकार्य करावे असे नागरिकांना आवाहन करण्यात येत आहे.

हे ही वाचा :