भारतात WhatsApp Pay होणार लॉन्च; Google Pay आणि Paytm देणार टक्कर

व्हॉट्सअॅप आपल्या युजर्ससाठी पेमेंट सर्विस लॉन्च करणार आहे. गेल्या भारतात ही सर्विस लॉन्च होणार होती. परंतु, काही तांत्रिक अडचणींमुळे उशिर झाला. आता मे महिन्यात ही सर्विस व्हॉट्सअॅप पे भारतात लॉन्च होणार असल्याचं सांगण्यात येत आहे.

नवी दिल्ली : व्हॉट्सअॅप आपल्या युजर्ससाठी पेमेंट सर्विस आणणार आहे. गेल्या दोन वर्षांपासून भारतात बीटा टेस्टिंग सुरु आहे. पेमेंट मेथडमध्ये येणाऱ्या काही अडचणींमुळे भारतात WhatsApp Pay अजुनपर्यंत अधिकृतपणे लॉन्च करण्यात आलं नाही. मीडिया रिपोर्टनुसार, व्हॉटसअॅप पे मे अखेरपर्यंत भारतात लॉन्च करण्यात येणार आहे.

मनी कंट्रोलने जारी केलेल्या रिपोर्टनुसार, व्हॉट्सअॅप पे भारतात मे अखेरपर्यंत युजर्ससाठी उलब्ध होणार आहे. हे आयसीआयसीआय बँक, एक्सिस बँक आणि एचडीएफसी बँकेसोबत लॉन्च करण्यात येणार आहे. दरम्यान, रिपोर्ट्समध्ये सांगितल्यानुसार, भारतीय स्टेट बँक जी व्हॉट्सअॅप पेसाठी एक भागीदार आहे. तरिही या बँकेसाठी ही सर्विस लॉन्च करण्यावेळी उपलब्ध होणार नसून काही वेळानी सपोर्ट करणार आहे. भारतात बँका UPI मार्फत सर्व्हिस देतात.

रिपोर्टमध्ये हेदेखील सांगण्यात आलं आहे की, व्हॉट्सअॅप भारतीय रिझर्व्ह बँकेच्या डेटा स्थानियकरणाच्या मापदंडांचं पालन करत आहे. त्यामुळे WhatsApp Pay भारतात लॉन्च होण्यासाठी उशीर होत आहे. दरम्यान, व्हॉट्सअॅपने सांगितलं आहे की, 'ते आपल्या पेमेंट सर्विसला टप्याटप्याने सुरु करणार आहेत.' भारतात एकूण 400 मिलियन व्हॉट्सअॅप युजर्स आहेत.

व्हॉट्सअॅपने फेब्रुवारी 2018मध्ये भारतात आपल्या UPI बेस्ड पेमेंट सर्विसची बीटा टेस्ट सुरु केली होती. भारत हा पहिला देशा आहे. जिथे फेसबुकची मालकी असणारी कंपनी पेमेंट सर्विस सुरू करणार आहे. भारतातील व्हॉट्सअॅपचे युजर्स पाहता व्हॉट्सअॅप पेला भारतात उत्तम प्रतिसाद मिळेल अशी शक्यता वर्तवण्यात येत आहे. व्हॉट्सअॅप देशातील डिजिटल व्यवहाराला चालना देण्यास फायदेशीर ठरणार असून ही सर्विस Google Pay आणि Paytm टक्कर देणार आहे.

संबंधित बातम्या :