20 वर्षांच्या अदितीनं Microsoft मध्ये शोधला बग; कंपनीकडून 22 लाखांचं बक्षीस

एथिकल हॅकर म्हणून काम करणाऱ्या अवघ्या 20 वर्षांच्या अदिती सिंहनं Microsoft Azure Cloud मध्ये एक बग शोधून काढला आहे. यासाठी अदितीला बक्षिस म्हणून कंपनीनं 20 लाख रुपये दिले आहेत.

Aditi_Singh

मुंबई : दिल्लीत राहणाऱ्या 20 वर्षीय अदिती सिंह सध्या सोशल मीडियावर चर्चेत आहे. अदितीनं केलेल्या कारनाम्यामुळं अनेकांच्या भुवया उंचावल्या आहेत. अदितीनं आपल्या बुद्धिच्या आणि कौशल्याच्या जोरावर Microsoft Azure Cloud मध्ये कमतरता शोधून काढली आहे. अवघ्या 20 वर्षांची अदिती सिंह एक एथिकल हॅकर आहे. अदितीनं शोधलेल्या बगमुळे एखाद्या हॅकरला कंपनीच्या इंटरनल सिस्टिममध्ये पोहचून सगळी माहिती अगदी सहज मिळवणं शक्य होणार होतं. अदितीनं शोधलेल्या कमतरतेची दखल घेत कंपनीची मदत केल्यामुळे तिला 22 लाख रुपयांचं बक्षिस देण्यात आलं आहे. 

काही नवं शिकण्याचं ध्येय 

अदितीनं सांगितलं की, "Microsoft Azure Cloud मध्ये बग शोधण्यामागील तिचं उद्दिष्ट पैसे कमावण्याचं नाही, तर काहीतरी नवं शिकण्याचं होतं. ती म्हणाली की, कोणत्याही हॅकरला असा बग शोधताना अत्यंत मन लावून काम करावं लागतं. अदितीने हे देखील सांगितलं की, मायक्रोसॉफ्टने यापूर्वी असाच एक बग दोन महिन्यांपूर्वी शोधला होता, त्यावर काम करुन कंपनीनं तो ठिकही केला होता. परंतु, रिमोट कोड एग्जीक्यूशन बगवर त्यांची नजर पडली नव्हती. 

फेसबुकमध्ये शोधला होता बग 

दरम्यान, यापूर्वीही अवघ्या 20 वर्षांच्या अदितीनं लोकप्रिय सोशल नेटवर्किंग साईट फेसबुकमध्ये असाच एक बग शोधला होता. ज्यासाठी कंपनीने त्यांना 5.5 लाख रुपये दिले होते. अदितीनं दिलेल्या माहितीनुसार, फेसबुक आणि मायक्रोसॉफ्टमध्ये एकाच प्रकारचे रिमोट कोड एग्जीक्युशन बग मिळाले आहेत. हे बग कंपनीसाठी अत्यंत नुकसानदायी ठरु शकत होते. अदितीनं बोलताना सांगितलं की, Microsoft Azure Cloud मध्ये सापडलेला बग शोधणं थोडं अवघड होतं, कारण हा बग ओळखणं काहीसं कठीण असून हा बग नव्या पद्धतीचा होता. 

महत्त्वाच्या इतर बातम्या :