Solapur Lok Sabha: शरद पवारांची राजकीय खेळी, भाजपमध्ये हयात घालवलेल्या फडणवीसांच्या मर्जीतील नेत्याला अलगद गळाला लावलं

Solapur Lok Sabha: संजय क्षीरसागर हे उद्या शरद पवार यांच्या राष्ट्रवादी काँग्रेसमध्ये प्रवेश करणार आहेत. ऐन लोकसभा निवडणुकीत हा भाजपसाठी धक्का मानला जातो.  

Devendra Fadnavis & Sharad Pawar

सोलापूर :  देवेंद्र फडणवीसांचे (Devendra Fadnavis)  निकटवर्तीय म्हणून ओळखले जाणारे मोहोळचे भाजप नेते  संजय क्षीरसागर (Sanjay Khirsagar)  शरद पवार गटात प्रवेश करणार आहे.  भाजपत गेल्या दहा वर्षांत मला कायम अपमानास्पद वागणूक दिली गेली, त्यामुळे मी पवारांच्या राष्ट्रवादीत प्रवेश करत असल्याचे आरोप त्यांनी केला आहे. संजय क्षीरसागर हे उद्या शरद पवार यांच्या राष्ट्रवादी काँग्रेसमध्ये प्रवेश करणार आहेत. ऐन लोकसभा निवडणुकीत हा भाजपसाठी धक्का मानला जातो.  

संजय क्षीरसागर हे उपमुख्यमंत्री देवेंद्र फडणवीस यांचे निकटवर्तीय म्हणून ओळखले जातात. राष्ट्रवादीत प्रवेश करणार असल्याची माहिती स्वत: संजय क्षीरसागर यांनी माहिती दिली.संजय क्षीरसागर यांनी भाजपकडून मोहोळ विधानसभा देखील लढवली आहे. भाजपत गेल्या दहा वर्षांत मला कायम अपमानास्पद वागणूक दिली गेली, त्यामुळे मी पवारांच्या राष्ट्रवादीत प्रवेश करत असल्याचे आरोप त्यांनी केला आहे. 

2006 सालपासून मला पक्षात अपमानास्पद वागणूक : संजय क्षीरसागर

संजय क्षीरसागर म्हणाले,  गेली 25 वर्षे म्हणजे 1998-99 पासून भारतीय जनता पक्षामध्ये सक्रिय कार्यकर्ता म्हणून काम करत आहे. जिल्हापरिषद , विधानसभा, जिल्हा पंचायत अशा अनेक निवडणुका लढवल्या. सामान्य जनतेवर होणाऱ्या अन् अनेक मोर्चे काढले. कठीण काळात भाजपसोबत होतो. सध्याची राजकीय परिस्थिती लक्षात घेता ज्या तालुक्याकील लोकांनी माझी पाठराखण केली. त्यांना मी आजपर्यंत काही देऊ शकलो नाही.

जनतेला न्याय देण्यासाठी भाजप सोडण्याचा निर्णय: संजय क्षीरसागर

लोकसभेची चार वेळा उमेदवारी मागितली परंतु मला उमेदवारी दिली नाही याचे मला दु:ख नाही. पण 2006 सालपासून मला पक्षात अपमानास्पद वागणूक देण्यात आली आहे. 2014 च्या पराभवानतर पक्षाची इच्छा असताना पक्षातील काही नेत्यांच्या दबावामुळेपक्षाने माझ्याकडे दुर्लक्ष केले. जनतेला न्याय देण्यासाठी भाजप सोडण्याचा निर्णय घेत आहे. शरद पवारांच्या उपस्थितीत मी प्रवेश करणार आहे.प्रणिती शिंदेंना पाठिंबा देणार आहे, असेही संजय क्षीरसागर म्हणाले. 

राम सातपुते विरुद्ध प्रणिती शिंदे

सोलापुरात आमदार राम सातपुते विरुद्ध प्रणिती शिंदे असा सामना होत आहे. त्यामुळे, ही लढाई माजी मुख्यमंत्र्यांची कन्या विरुद्ध ऊसतोड कामगाराचा मुलगा अशी असल्याचा प्रचार आमदार राम सातपुते यांनी केला होता.   

हे ही वाचा :