Satara Crime : महाबळेश्वरमध्ये केट्स पाँईंटवरून सेल्फी काढताना दरीत कोसळलेल्या नवविवाहितेचा मृतदेह सापडला; महाबळेश्वर ट्रेकर्सच्या शर्तीच्या प्रयत्नांना अपयश
Satara Crime : पत्नी दरीत कोसळल्याची माहिती तिच्या पतीने स्थानिकांना आणि पोलिसांना दिल्यानंतर तातडीने महाबळेश्वर ट्रेकर्सच्या कार्यकर्त्यांनी दरीत उतरुन अंकिताला वर काढण्याचे प्रयत्न सुरु केले.
महाबळेश्वर (जि. सातारा) : महाबळेश्वर (Kate Point in Mahabaleshwar) फिरण्यास आलेली नवविवाहितेचा सेल्फी काढताना तोल जाऊन दरीत कोसळल्याने मृत्यू झाला. अंकिता गुरव असे त्या मुलीचे नाव आहे. दाम्पत्य धाराशिव जिल्ह्यातील आहे. पत्नी दरीत कोसळल्याची माहिती तिच्या पतीने स्थानिकांना आणि पोलिसांना दिल्यानंतर तातडीने महाबळेश्वर ट्रेकर्सच्या कार्यकर्त्यांनी दरीत उतरुन अंकिताला वर काढण्याचे प्रयत्न सुरु केले. सुमारे दोन तासाच्या अथक प्रयत्नानंतर या महिलेला बाहेर काढण्यात आले.
सुमारे साडेपाचशे ते सहाशे फूट खोल दरीत पडली
संबधित नवविवाहिता पतीसोबत महाबळेश्वर फिरण्यासाठी आली होती. महाबळेश्वरातील केटस पाँईंटवर (Kate Point in Mahabaleshwar) दोघेही गेले होते. हे दाम्पत्य दरीच्या टोकावर सेल्फी काढत असतान पत्नी अंकिता दरीत कोसळली. जवळपास सुमारे साडेपाचशे ते सहाशे फूट खोल दरीत पडली होती. या बाबतची तिच्या पतीने स्थानिक दुकानदार आणि पोलिसांना माहिती दिल्यानंतर महाबळेश्वर ट्रेकर्सचे कार्यकर्ते हे घटनास्थळी पोहोचले.
त्या महिलेला बेशुध्द अवस्थेत वर आणण्यासाठी प्रयत्न सुरु केले. मात्र, दरीतून बाहेर काढल्यानंतर ती महिला मृत झाल्याचे सांगण्यात आले. हे दाम्पत्य सध्या पुणे येथे असून अंकिताचे पती हे रेल्वेमध्ये कार्यरत अशल्याची प्राथमिक महिती मिळाली आहे. अंकिंतावर महाबळेश्वर येथील ग्रामिण रुग्णालयात शवविच्छेदन करण्यात येणार आहे. घटनास्थळी सध्या पोलिस पोहोचले असून त्यांनी घटनास्थळाचा पंचनामा करण्यास सुरुवात केली आहे.
इतर महत्वाच्या बातम्या
महत्त्वाच्या बातम्या
