Satara : साताऱ्यात भाजपला वगळून सत्ता स्थापनेसाठी वेग, शिवसेना-राष्ट्रवादीच्या नेत्यांची बैठक

Satara ZP Election : साताऱ्यात सर्वात मोठा पक्ष ठरलेल्या भाजपला सत्तेपासून दूर ठेवण्यासाठी राष्ट्रवादी काँग्रेस आणि शिवसेनेने हालचाली सुरू केल्या असून महत्त्वाच्या नेत्यांमध्ये प्राथमिक बैठक झाली आहे.

Written By : वैभव बोडके | Updated at : 10 Feb 2026 10:24 PM (IST)

satara zp zilla parishad election shivsena ncp to form alliance against bjp maharashtra marathi Satara : साताऱ्यात भाजपला वगळून सत्ता स्थापनेसाठी वेग, शिवसेना-राष्ट्रवादीच्या नेत्यांची बैठक

Satara ZP Election

Source : abp majha

सातारा : जिल्हा परिषदेच्या निकालानंतर आता साताऱ्यात मोठ्या राजकीय घडामोडी घडताना दिसत आहेत. सातारा जिल्ह्यात भाजपला सत्तेपासून दूर ठेवण्यासाठी राष्ट्रवादी आणि शिवसेना शिंदे गट एकत्र येण्यासाठी हालचाली सुरू आहेत. शिवसेनेचे मंत्री शंभुराज देसााई आणि राष्ट्रवादीचे मंत्री मकरंद पाटील, खासदार नितीन पाटील, संजीव राजे नाईक निंबाळकर, माजी आमदार दीपक चव्हाण यांची एक महत्त्वाची बैठक पार पडली.

सातारा जिल्ह्यामध्ये 27 जागा जिंकत भाजप सर्वात मोठा पक्ष ठरला आहे. त्या खालोखाल राष्ट्रवादीने 20 तर शिंदेंच्या शिवसेनेने 15 जागा जिंकल्या आहेत. बहुमतासाठी 33 जागांची आवश्यकता असून राष्ट्ववादी आणि शिवसेना एकत्र आले तर बहुमताची संख्या पार होते. त्यामुळे भाजपला सत्तेबाहेर ठेवण्यासाठी आता राष्ट्रवादी आणि शिवसेनेमध्ये हालचाली सुरू आहेत.

साताऱ्यातल्या हॉटेल फर्नमध्ये राष्ट्रवादी आणि शिवसेनेच्या मंत्र्यांची, खासदार यांची औपचारिक बैठक पार पडली. या बैठकीत शिवसेनेचे मंत्री शंभूराजे देसाई, मंत्री मकरंद पाटील, खासदार नितीन पाटील, संजीव राजे नाईक निंबाळकर, माजी आमदार दीपक चव्हाण हे उपस्थित होते.

ही बैठक जिल्हा परिषदेमध्ये सत्ता स्थापनेसाठी होती, त्यावर प्राथमिक चर्चा झाल्याचं राष्ट्रवादीचे मंत्री मकरंद पाटील यांनी स्पष्ट केलं. तर शंभुराज देसाई यांनीही त्याला दुजोरा दिल्याचं दिसून आलं.