एक्स्प्लोर

निवडणूक निकाल २०२४

(Source: ECI/ABP News/ABP Majha)

सांगलीच्या लेकीनं नाव काढलं! प्रतीक्षा बागडी ठरली 'महिला महाराष्ट्र केसरी'; कल्याणच्या वैष्णवीला दाखवलं अस्मान

First Women Maharashtra Kesari : राज्यात उत्सुकता लागून राहिलेल्या महिला महाराष्ट्र केसरीचा महामुकाबल्यात सांगलीच्या प्रतीक्षा बागडीने बाजी मारली आहे

By : कुलदीप माने, एबीपी माझा | Edited By: परशराम पाटील | Updated at : 24 Mar 2023 08:04 PM (IST)

First Women Maharashtra Kesari

First Women Maharashtra Kesari : राज्यात उत्सुकता लागून राहिलेल्या पहिल्या महिला महाराष्ट्र केसरीच्या (First Women Maharashtra Kesari) महामुकाबल्यात सांगलीच्या प्रतीक्षा बागडीने बाजी मारली. कधीकाळी रुम पार्टनर राहिलेल्या सांगलीच्या प्रतीक्षाने कल्याणच्या वैष्णवी पाटीलला अस्मान दाखवत पहिली महाराष्ट्र केसरी ठरली आणि चांदीची गदा पटकावली. प्रतीक्षा बागडीच्या या विजयानंतर सर्व स्तरातून तिच्यावर कौतुकाचा वर्षाव केला जात आहे. प्रतीक्षा बागडी आणि वैष्णवी पाटील या हरियाणाच्या इसारमध्ये जवळपास 5-6 ते महिने रूमपार्टनर होत्या. दोघींना एकमेकींच्या डावपेचांबद्दल अंदाज होता. तथापि बाजी मारण्यात प्रतीक्षा यशस्वी झाली.

सांगली-मिरज रस्त्यावरील जिल्हा क्रीडा संकुलामध्ये महिला महाराष्ट्र केसरी पदकासाठी कुस्ती स्पर्धा गुरूवारपासून सुरू होत्या. अंतिम सामन्यात तुंग (जि.सांगली) येथील बागडे आणि कोल्हापूरची पाटील यांच्यात लढत झाली. सायंकाळी ही अंतिम लढत सुरू झाली. या अंतिम सामन्यात बागडे आणि पाटील मध्यंतरापर्यंत चार गुणांनी बरोबरीत होत्या. मात्र मध्यंतरानंतर बागडींने पाटीलला चितपट करीत चार विरुध्द दहा गुणांनी महिला केसरी पदकावर मोहोर उमटवली.

वैष्णवीचा आम्हाला अभिमान

दरम्यान, वैष्णवी पाटीलचा पराभव झाला असला तरीही आम्हाला अभिमान आहे असल्याची प्रतिक्रिया ज्या तालमीत घडली त्या तालमीच्या वस्तादांनी दिली आहे. पहिल्याच महाराष्ट्र महिला केसरी सामन्यामध्ये कल्याणची वैष्णवी पाटील फायनलपर्यंत पोहोचली. प्रतिस्पर्धी खेळाडूचे वजन जास्त होते, त्यामुळे वैष्णवी पराजित झाली. तरीही आम्ही आनंदित आहोत आणि हा आनंद आम्ही फटाके फोडून पेढे वाटून साजरा करत आहोत, अशी प्रतिक्रिया वैष्णवी पाटील ज्या तालमीत घडली त्या तालमीतील वस्ताद पंच यांनी दिली आहे.

कोण आहे प्रतीक्षा रामदास बागडी? (वय 21, वजन 76)