Satish Wagh Murder Case : प्रेम प्रकरणातून बायकोनेचं सुपारी देऊन खून केला,आमदार टिळेकर यांचे मामा सतीश वाघ यांच्या हत्या प्रकरणात सर्वात मोठा खुलासा

Satish Wagh Murder Case : सतीश वाघ यांचा पत्नीनेच प्रेम प्रकरणातून खून केल्याचे समोर आले आहे.

Photo Credit - abp majha reporter

Source : ABPLIVE AI

Satish Wagh Murder Case : भाजप आमदार योगेश टिळेकर (Yogesh Tilekar) यांचे मामा सतीश वाघ (Satish Wagh Murder Case) यांच्या हत्या प्रकरणात सर्वात मोठी खुलासा झालाय. सतीश वाघ यांच्या पत्नी मोहिनी वाघ (Mohini Wagh) यांनीच त्यांना संपवण्यासाठी सुपारी दिली असल्याचे पोलीस तपासात उघड झाले आहे. या प्रकरणात गुन्हे शाखेने सतीश वाघ यांच्या पत्नीला अटक केली आहे. प्रेम प्रकरणातून सुपारी देऊन खून केल्याचे उघड झाले आहे. 

प्रेम प्रकरणातून पत्नीने सतीश वाघ यांचा खून केल्याचे समोर 

याबाबत अधिकची माहिती अशी की, आमदार योगेश टिळेकर (Yogesh Tilekar) यांच्या मामा सतीश वाघ यांच्या हत्याप्रकरणी (Satish Wagh Murder Case) त्यांच्याच बायको मोहिनी वाघ हिने सुपारी दिली होती. शेजारी राहणाऱ्या व्यक्तीसोबत मोहिनी वाघ यांचे प्रकरण होतं. या प्रेम प्रकरणात सतीश वाघ आडवे येत असल्याने त्यांना पाच लाखाची सुपारी देऊन संपवण्यात आले आहे. याबाबतची कबुली मोहिनी वाघ यांनी पोलिसांकडे दिली आहे. त्यामुळे पोलिसांनी या प्रकरणात मोठा खुलासा केलाय. 

सतीश वाघ यांच्या हत्या प्रकरणात अटक करण्यात आलेल्या आरोपींची नावे जाणून घेऊयात...या प्रकरणी पोलिसांनी आत्तापर्यंत 5 जणांना अटक केली आहे. या प्रकरणी अक्षय जवळकर याला सुपारी देण्यात आली असल्याचे पोलीस तपासात उघड झाले आहे.. 

1. मोहिनी वाघ
2. पवनकुमार शर्मा
3. विकास शिंदे
4 . अतिश जाधव - धाराशिव
5. अक्षय जवळकर - सुपारी देण्यात आलेला व्यक्ती. 

संपूर्ण प्रकरण काय आहे?

भाजप आमदार योगेश टीळेकर याचे मामा सतीश वाघ यांचं 9 डिसेंबरला पहाटे अज्ञात व्यक्तींकडून अपहरण करण्यात आलं होतं. त्यानंतर त्यांना चारचाकी गाडीतून अज्ञान स्थळी नेण्यात आलं. सतीश वाघ यांचे अपहरण केल्यानंतर दहा ते पंधरा मिनिटांतच आरोपींनी सतीश वाघ यांचा गाडीतच खून केला असल्याची माहिती समोर आली होती. वाघ यांना तब्बल 72 वेळा चाकूने भोसकण्यात आलं होतं. सतीश वाघ यांच्या गळ्यावर सर्वाधिक वार करण्यात आले असून, पाठीवर देखील वार करण्यात आल्याचे पोलिसांनी सांगितले आहे. वाघ यांचा जीव गेल्यानंतर आरोपींनी मृतदेह शिंदवणे घाटातील निर्जनस्थळी फेकून दिला. सायंकाळी त्यांचा मृतदेह स्थानिक नागरिकांना आढळला. त्यांनी याबाबत उरुळी कांचन पोलिसांना माहिती दिली. पोलिसांनी घटनास्थळी पोहचून तपास सुरु केला होता. 

इतर महत्त्वाच्या बातम्या