Pune Porsche Car Accident : दारूच्या नशेत पोर्शे कार चालवून दोन जीव घेणाऱ्या पोराला 15 तासात जामीन; आमदार रवींद्र धंगेकरांचे येरवडा पोलिस स्टेशनसमोर ठिय्या आंदोलन
आमदार रवींद्र धंगेकर यांनी ट्विट करत कल्याणीनगर मधील घटनेत कठोर कारवाई झाली पाहिजे, म्हणजे परत कोणी पैश्यावाल्याची औलाद अशी मस्ती करणार नाही, असे म्हटले आहे.
Pune Porsche Car Accident : मध्यरात्रीपर्यंत दारू पिल्यानंतर भरधाव वेगाने पोर्शे कार चालवून दोन इंजिनिअर्सना चिरडून मारणाऱ्या धनाढ्य बिल्डरच्या पोराला अवघ्या 15 तासांमध्ये जामीन मिळाल्याने पुणे पोलिसांची लक्तरे वेशीवर टांगली गेली आहेत. आश्चर्यकारक अटी शर्तींवर या पोराला जामीन मिळाला तरी कसा? असाच प्रश्न उपस्थित केला जात आहे. या पार्श्वभूमीवर काँग्रेसकडून ठिय्या आंदोलन करण्यात आले.
आमदार रवींद्र धंगेकर यांच्या नेतृत्वात येरवडा पोलीस स्टेशनसमोर काँग्रेसकडून ठिय्या आंदोलन करण्यात आले. पुणे पोलिसांनी घेतलेल्या भूमिकेचा निषेधार्थ हे आंदोलन करण्यात आले. ज्या पद्धतीने पोराला तत्काळ जामीन झाला, त्यावरून पोलिसांच्या भूमिकेवरती प्रश्नचिन्ह निर्माण झालं आहे. हातात नोटा घेऊन हे आंदोलन करण्यात आले. सुटला कसा? खाल्ले पैसे अशा घोषणाही यावेळी देण्यात आल्या.
आमदार रवींद्र धंगेकर यांनी ट्विट करत कल्याणीनगर मधील घटनेत कठोर कारवाई झाली पाहिजे, म्हणजे परत कोणी पैश्यावाल्याची औलाद अशी मस्ती करणार नाही, असे म्हटले आहे.
त्यांनी ट्विट करत खालील मागण्या केल्या आहेत
- पुण्यातील बांधकाम व्यावसायिक विशाल आग्रवाल ज्याने मुलाला ही आलीशान गाडी चालविण्यास दिली.या विशाल अग्रवालला तातडीने अटक झाली पाहिजे.
- अल्पवयीन मुलांना दारू विकणाऱ्या मुंढव्यातील Cosie रेस्टॉरंट, Marriott suits मधील Black पब,Ballr पब या सर्व पब मालकांवर देखील अटकेची कारवाई करत हे पब कायम स्वरुपी बंद केले पाहिजे.
- येरवडा पोलीस स्टेशन मधील विकली गेलेली कायदा व सुव्यवस्था ज्यांनी अगदी किरकोळ कलमे लावून मुलाच्या जामिनासाठी रेड कार्पेट टाकून दिले.पैश्याच्या जिवावर दोघांना किड्या मुंगी प्रमाणे चिरडणाऱ्या या मुलाला पोलीस स्टेशन मध्ये बिर्याणी आणि पिझ्झा आणून खाऊ घातला.या पोलिसांवर कारवाई करत येथील अधिकारी कर्मचारी निलंबित केले गेले पाहिजे.
- ही घटना एवढी भयानक होती की मागे बसलेली अश्विनी कोस्टा सुमारे 10 ते 15 फूट हवेत उडून खाली पडली. डोक्याला मार लागल्याने तिचा जागेवरच म्रुत्यु झालेला आहे. अनिस अवधिया देखील गंभीर जखमी होऊन तडफडत पडला होता, त्याची हालचाल बघून काही तरुणांनी त्याला उचलून एका रिक्षामध्ये टाकले आणि नगर रोडवरील सह्याद्री हाँस्पीटलमध्ये नेले, परंतु हाँस्पीटलमध्ये पोचण्यापूर्वीच त्याचाही म्रुत्यु झाला.
आरोपीला सुट्टीच्या कोर्टात हजर करण्यात आले
सुरूवातीला वेदांत अल्पवयीन असल्याचा ड्रामा करण्यात आला. तो देखील फार काळ टिकला नाही. अगदी सलमान खान हीट अँण्ड रन केसप्रमाणे ड्रायव्हर ला ही उभे करण्यात आले, परंतु प्रत्यक्षदर्शींनी मात्र मयत तरुण आणि तरूणीची बाजू मांडली. गाडी विशाल आग्रवालचा मुलगाच चालवत होता आणि ड्रायव्हर बाजूला बसलेला होता याचे व्हीडीओ पुरावे त्यांनी पोलिसांना दिले. येथे कारवाई चा पाठपुरावा करणाऱ्यांना देखील शांत राहण्यासाठी आँफर दिली जात होती. अखेर येरवडा पोलिसांनी मुला विरुद्ध गुन्हा दाखल केला आणि त्याला अटक केली. बर्याच केसेसमध्ये उशिरा अटक दाखवून, आरोपीला कायद्याचा धाक रहावा या उद्देशाने एक दिवस कोठडीमध्ये ठेवण्यात येते. येथे मात्र तत्परतेने CRPC च्या तरतुदींचे तंतोतंत पालन करत आरोपीला सुट्टीच्या कोर्टात हजर करण्यात आले. सर्व सेक्शन्स Bailable असल्यामुळे वेदांत चा तात्काळ जामीन झाला. या प्रकरणामुळे अनेक प्रश्न उपस्थित झाले.
इतर महत्वाच्या बातम्या
महत्त्वाच्या बातम्या
ट्रेंडिंग न्यूज
