Pune Crime: धक्कादायक! आईसोबत अनैतिक संबंध; मुलाने केली संबंधिताची गळा कापून हत्या
आईसोबत अनैतिक संबंध असल्यामुळे मुलाने संबंधित व्यक्तीची गळा चिरुन हत्या केल्याची धक्कादायक घटना पिंपरी-चिंचवडमधील भोसरी येथे घडली आहे.
Pune Crime: आईसोबत अनैतिक संबंध असल्यामुळे मुलाने संबंधित व्यक्तीची गळा चिरुन हत्या केल्याची धक्कादायक घटना पिंपरी-चिंचवडमधील भोसरी येथे घडली आहे. मृताचे आईसोबत अनैतिक संबंध असल्याने मुलगा संतापला होता. त्यातून मुलाने हत्येचा कट रचला. निर्जन ठिकाणी नेऊन अल्पवयीन मुलाने त्याची हत्या केली. या घटनेने सर्वांनाच धक्का बसला. दीपक वाघमारे असे मृताचे नाव आहे. याप्रकरणी पोलिसांनी गुन्हा दाखल केला असून पुढील कारवाई सुरू आहे.
नेमकं काय घडलं?
पिंपरी चिंचवडमध्ये एका अल्पवयीन मुलाने एकाची गळा चिरून हत्या केलीये. दीपक गोपाळ वाघमारे असं 30 वर्षीय मयताचे नाव होते. भोसरी परिसरात ही घटना आज दुपारी घडली. दीपक आणि अल्पवयीन मुलाच्या आईचे पाच वर्षांपासून विवाहबाह्य संबंध होते. हे अल्पवयीन मुलाने अनेकदा पाहिलं होत. मृत दीपक वाघमारे आणि खून झालेल्या अल्पवयीन मुलाची आई यांच्यात प्रेमसंबंध होते. मृत दीपक वाघमारे हा अल्पवयीन मुलीच्या आईला भेटण्यासाठी घराबाहेर पडला होता. अनेकदा दोघे भेटायचे.
वडील कामासाठी बाहेर गेले की दीपक आईला भेटायला यायचा. हे थांबतच नसल्यानं अखेर अल्पवयीन मुलाने दीपकच्या हत्येचा कट रचला. यासाठी नारळ सोलण्याचा कोयता एका ठिकाणाहून चोरला. एकाकडे पैसे आणायला जायचे आहेत, असा बहाणा करत दीपकला निर्जनस्थळी घेऊन आला अन तिथं कोयत्याने दोन वार केले. दीपक जमिनीवर कोसळल्यावर गळा चिरला. मद्यधुंद अवस्थेत या अल्पवयीन मुलाने हे कृत्य केलं आहे. हत्या करणारा मुलगा किराणा मालाच्या दुकानात डिलिव्हरी बॉय म्हणून काम करतो, तर मृत व्यक्ती दीपक नोकरीच्या शोधात होता, अशी माहिती भोसरी पोलिसांनी दिली आहे.
यापुर्वी मुलाने आईची केली होती हत्या
गेल्या काही दिवसांपासून पबजीच्या हत्येची जोरदार चर्चा सुरू आहे. आई आणि प्रॉपर्टी डीलरशी अनैतिक संबंध असल्याने त्याने स्वतःच्या आईची हत्या केली होती. मुलाला खेळू न दिल्याने आईला गोळ्या झाडल्याचे सुरुवातीला सांगण्यात आले. मात्र नंतर पोलीस तपासात धक्कादायक खुलासे झाले. आईच्या द्वेषातून मुलाने गोळ्या घालून आईची हत्या केल्याचे नंतर उघड झाले आहे. ही घटना ताजी असतानाच आता भोसरीतील हत्याकांडाने सगळेच होरपळले आहेत.
महत्त्वाच्या बातम्या
ट्रेंडिंग न्यूज
