Pune Accident News: पुण्यातील कोरेगाव पार्क परिसरात भीषण अपघात; क्षणार्धात नियंत्रण सुटलं अन् दोघा भावांचा भयानक अंत, धडकी भरवणारा CCTV व्हिडीओ आला समोर
Pune Accident News: पुण्यातील कोरेगाव पार्क परिसरात झालेल्या या भीषण अपघातात सख्ख्या चुलत भावांचा मृत्यू झाला आहे.
पुणे: पुण्यातील कोरेगाव पार्क (Koregaon Park accident) परिसरात पुन्हा भीषण अपघात झाल्याची माहिती समोर आली आहे. पहाटेच्या सुमारास बंडगार्डन मेट्रो स्टेशन जवळ हा भीषण अपघात झाला आहे. या अपघातात दोघांचा मृत्यू (Koregaon Park accident) झाला तर गाडीतील एक जण गंभीर जखमी आहे. अपघात नेमका कसा झाला याचा कोरेगाव (Koregaon Park accident) पोलीस तपास करत आहेत. पुण्यातील कोरेगाव पार्क परिसरात झालेल्या या भीषण अपघातात सख्ख्या चुलत भावांचा मृत्यू झाला आहे.(Koregaon Park accident)
Pune Accident News: गाडीचा हँड ब्रेक ओढल्याने गाडीचं नियंत्रण सुटले
मृत ऋतिक भंडारी आणि यश भंडारी हे गाडीत पुढच्या सीटवर बसले होते,त र कुशवंत टेकवणी हा गंभीर जखमी झाला आहे. गाडीचा हँड ब्रेक ओढल्याने गाडीचं नियंत्रण सुटले आणि गाडी मेट्रो स्टेशनच्या सिमेंटच्या पिल्लरला जाऊन धडकली अशी प्राथमिक माहिती समोर आली आहे. गाडीचा वेग अधिक असल्याचे सीसीटीव्हीमध्ये दिसून येत आहे. एम एच २४ डी टी ८२९२ गाडी काळ्या रंगाची गाडी असून गाडी भाड्याने घेतली असल्याचा प्राथमिक अंदाज आहे.
Pune Accident News: अल्कोहोल किंवा अंमली पदार्थ होते का याची तपासणी करणार
आज (रविवारी, ता २) पहाटे साडेपाचच्या सुमारास हा अपघात झाला. पुणे पोलिसांकडून गाडी नेमकी कुठून आली, याचा शोध घेतला जातोय. रस्त्यावरील अनेक सीसीटीव्ही तपासण्याचं काम सुरू केलं आहे. थोड्याच वेळात फॉरेन्सिक टीम अपघातस्थळी दाखल होणार आहे. अपघातातील गाडीत अल्कोहोल किंवा अंमली पदार्थ होते का याची तपासणी करणार आहेत. या घटनेनंतर हळहळ व्यक्त होत आहे.
Pune Accident News: नियंत्रण सुटल्याने रस्त्याच्या डिव्हायडरला धडकली
हा भीषण अपघात कोरेगाव पार्क परिसरातील बंड गार्डन मेट्रो स्टेशनजवळ पहाटेच्या सुमारास झाला. अतिवेगात असलेली कार अचानक नियंत्रण सुटल्याने रस्त्याच्या डिव्हायडरला धडकली आणि थेट मेट्रोच्या खांबावर आदळली. धडक एवढी जबरदस्त होती की कारचे अक्षरशः तुकडे-तुकडे झाले. या अपघातात ऋतिक भंडारे आणि यश भंडारे या दोन तरुणांचा जागीच मृत्यू झाला, तर त्यांच्यासोबत असलेला एक मित्र गंभीर जखमी झाला आहे. सध्या जखमी तरुणावर रुग्णालयात उपचार सुरू असून त्याची प्रकृती चिंताजनक असल्याचे समजते.
Pune Accident News: थरारक घटना CCTV मध्ये कैद
अपघातस्थळावरील सीसीटीव्ही फुटेज आता समोर आले आहे. या फुटेजमधून कारचा वेग किती होता, याचा अंदाज येतो. भरधाव वेगात असलेल्या कारवरील नियंत्रण सुटल्यामुळे हा अपघात झाल्याचे प्रथमदर्शनी दिसून येत आहे.
पुण्यातील बंडगार्डन मेट्रो स्टेशन परिसरात कारला भीषण अपघात, दोघांचा जागीच मृत्यू#Punenews #Accidentnews #caraccident pic.twitter.com/DcLMWdUzTC
— Ankita Shantinath Khane (@KhaneAnkita) November 2, 2025
महत्त्वाच्या बातम्या
