Ganesh Chaturthi 2021: पुण्यात मानाच्या गणपतींसह प्रसिद्ध गणपती मंडळाची विधीवत प्रतिष्ठापना
Ganesh Chaturthi 2021 :आज घरोघरी आणि सार्वजनिक गणेशोत्सव मंडळांमध्ये गणरायाची मोठ्या भक्तीभावानं प्रतिष्ठापना करण्यात येते.
पुणे : पुण्यासह राज्यभर आजपासून गणेशोत्सवाला सुरवात होत आहे.अजूनही पुण्यात कोरोनाच्या तिसऱ्या लाटेची भीती आहे.त्या पार्श्वभूमीवर पुण्याच्या वैभवशाली सार्वजनिक गणेशोत्सव उत्साहात सुरुवात होत आहे.कोरोना संसर्गाच्या पार्श्वभूमीवर सर्वच मानाचे गणपती मंडळानी हा आनंदाचा उत्सव मागील वर्षाप्रमाणे साधेपणाने साजरा करण्याचा निर्णय घेतला आहे.मानाचे पाचही गणपतीची तसेच प्रमुख गणपती प्राणप्रतिष्ठापना झाली आहे. .कोरोनामुळे प्रतिष्ठापनेआधी मिरवणुका रद्द करण्यात आल्या. सर्व गणपतीचे दर्शन ऑनलाईन माध्यमातून भक्तांना घेता घेता येणार आहे.
Ganesh Chaturthi 2021: पंतप्रधान मोदी म्हणाले, गणपती बाप्पा मोरया, मराठीतून दिल्या खास शुभेच्छा
कसबा गणपती मानाचा पहिला गणपती
श्री कसबा गणपती सार्वजनिक गणेशोत्सव मंडळाच्या श्रींची प्राणप्रतिष्ठा सकाळी 11 वाजून 38 मिनिटांनी पुण्याचे खासदार गिरीश बापट यांच्या हस्ते करण्यात आली .त्याआधी मोजक्या पदाधिकाऱ्यांच्या उपस्थितीत परंपरेप्रमाणे श्रींची मूर्ती पालखीतून उत्सव मंडपात आणण्यात आली. मंडळाच्या फेसबुक पेजवर दर्शन आणि लाईव्ह कार्यक्रम पाहता येणार आहे.
मानाचा दुसरा गणपती तांबडी जोगेश्वरी
या सार्वजनिक गणेशोत्सव मंडळाच्या श्रींची मूर्तीची प्रतिष्ठापना सकाळी साडे अकरा वाजता वेदमूर्ती मोरेश्वर घैसास गुरुजी यांच्या हस्ते आणि सनई-चौघडा च्या सुरावटीत होणार आहे.फेसबुक फेजवरून भक्तांना दर्शन घेता येणार आहे.
मानाचा तिसरा गणपती गुरुजी तालीम
गुरुजी तालीम मंडळाच्या बाप्पाची प्राणप्रतिष्ठापना श्रीमंत भाऊ रंगारी गणपती मंडळाचे उत्सव प्रमुख पुनीत बालन यांच्या हस्ते दुपारी एक वाजता करण्यात आली. यंदा साध्या पद्धतीने उत्सव साजरा करण्यात येणार असल्याने सामाजिक उपक्रमांवर अधिक भर दिला जाणार असल्याचं मंडळाकडून सांगण्यात आलं आहे. उत्सव मूर्तीचे हे सुवर्णमहोत्सवी वर्ष असल्याने मंडळाच्या फेसबुक पेजवर याचेही दर्शन होणार आहे...
मानाचा चौथा श्री तुळशीबाग गणपती
तुळशीबाग सार्वजनिक गणेशोत्सव मंडळाच्या श्रींची मूर्तीची प्राणप्रतिष्ठापना उद्योजक युवराज ढमाले यांच्या हस्ते दुपारी साडेबारा वाजता करण्यात आली.मंदिराभोवती घंटी महालाची आकर्षण सजावट सरपाले बंधूनी साकारली आहे.गणेश याग, मंत्रजागर असे धार्मिक विधी देखील करण्यात आले. मंडळाच्या यूट्यूब पेजवर दर्शनाचीही सोय करण्यात आली आहे.
मानाचा पाचवा केसरीवाडा
केसरीवाडा गणेशोत्सव मंडळाच्या वतीने परंपरेनुसार पालखीतून केसरीवाड्यात मूर्ती आणली. केसरी चे विश्वस्त डॉक्टर रोहित टिळक यांच्या हस्ते सकाळी दहा वाजता श्रींची प्राणप्रतिष्ठापना झाली. सनई चौघड्याच्या मंगलमय वातावरणात सर्व धार्मिक विधी झाले. बाप्पा थाटात विराजमान झाले. उत्सवादरम्यान सांस्कृतिक कार्यक्रम होणार आहेत.
श्रीमंत दगडूशेठ हलवाई गणपती
दगडूशेठ गणपतीची प्राणप्रतिष्ठापना सकाळी 10 वाजून 23 मिनिटांच्या मुहूर्तावर अध्यक्ष अशोक गोडसे यांच्या हस्ते दगडूशेठ गणपतीची प्राणप्रतिष्ठा झाली. गणेशोत्सवानिमित्त मंदिरावर आकर्षक आरास करण्यात आली आहे. ऋषीपंचमीचा 11 सप्टेंबर रोजी पहाटे सहा वाजता अथर्वशीर्ष पठण सोहळा ऑनलाइन पद्धतीने होणार आहे.
महत्त्वाच्या बातम्या
