Pune Crime News : सलग चौथ्या दिवशी पुणे गोळीबारनं हादरलं; जुन्या वादाचा राग मनात धरून झाडल्या थेट तीन गोळ्या

सलग चौथ्या दिवशी झालेल्या गोळीबाराने पुणं हादरलं आहे. जंगली महाराज रोड, हडपसर, सिंहगड रोडवर  गोळीबार झाल्यानंतर आता येरवडा परिसरात पहाटेच्या वेळी गोळीबाराची घटना समोर आली आहे.

Pune Firing (Image Credit : ABP MAJHA Source)

पुणे : पुण्यात मागील काही दिवसांपासून गुन्हेगारीत  (Firing) चांगलीच वाढ झाली आहे. त्यात गोळीबाराच्या (Pune Crime News) घटनादेखील वाढत आहे. सलग चौथ्या दिवशी झालेल्या गोळीबाराने पुणं हादरलं आहे. जंगली महाराज रोड, हडपसर, सिंहगड रोडवर  गोळीबार झाल्यानंतर आता येरवडा परिसरात पहाटेच्या वेळी गोळीबाराची घटना समोर आली आहे. पुण्यातील येरवडा परिसरात आज पहाटे पुन्हा दोघांवर करण्यात  गोळीबार करण्यात आला आहे. या घटनेमुळे पुण्यातील येरवडा परिसरात मोठी खळबळ उडाली आहे.

जुन्या वादाचा राग मनात धरून एकावर तीन गोळ्या झाडण्यात आल्या आहेत. आकाश चंदाले याने विकी चंदाले या दोघांवर गोळीबार केला आहे. गोळीबार करणाऱ्या आरोपीना पोलिसांनी ताब्यात घेतलं आहे. पहाटे साडेतीन ते चारच्या दरम्यान येरवडा येथील  अग्रेसन स्कूल समोर हा प्रकार घडला आहे. दोघांमध्येही जुना वाद होता. त्यातून हा गोळीबार करण्यात आल्याची माहिती पोलिसांनी दिली आहे. दोघेही एकमेकांचे नातेवाईक असल्याचंदेखील पोलीस तपासात समोर आलं आहे. 

सलग चौथ्या दिवशी गोळीबार

पुण्यात जंगली महाराज रोड आणि हडपसरमध्ये शेवाळवाडी परिसरात गोळीबाराच्या घटना समोर आल्या होत्या.बांधकाम व्यवसायिकावर फायरिंग करण्याचा प्रयत्न करण्यात आला होता.धीरज दिनेशचंद्र आरगडे बांधकाम व्यवसायिकावर स्विगीचे वस्त्र परिधान करून दुचाकीवरून आलेल्या दोघांनी फायरिंग करण्याचा प्रयत्न केला. हल्लेखोर स्विगीसारखे वस्त्र परिधान करून हेल्मेट घातले होते. त्या दोघांनी पिस्टल काढून दोन वेळा फार करण्याचा प्रयत्न केला मात्र फायर न झाल्याने दोन आरोपींनी पुढे पळ काढला होता. शेवाळवाडीत दोन सैनिकांमध्ये वाद झाल्याने भर रस्त्यात गोळीबार करण्यात आला होता.

गोळीबाराच्या घटना कधी थांबणार?

पुणे जिल्ह्यात गोळीबार करणं आता नेहमीचं झालं असल्याचे मागील काही दिवसांच्या घटनांवरून समोर येत आहे. शिक्षणाचं माहेर घर म्हणून असलेलं पुणे आता गोळीबारांच्या घटनांवरून चर्चेत येत आहे. मागील मागील आठवड्यातच पुणे जिल्ह्यातील इंदापूर शहराजवळ रात्रीच्या सुमारास एका सराईत गुन्हेगाराचा गोळ्या झाडून आणि कोयत्याने वार करून हत्या करण्यात आली. विशेष म्हणजे हॉटेलमध्ये घुसून जेवणाला बसलेल्या या तरुणाची हत्या करण्यात आली. यापूर्वी देखील सतत पुण्यात अशा गोळीबाराच्या घटना समोर आल्या आहेत. आता तर क्षृल्लक वादातून गोळीबार केला जात असल्याचे समोर आले आहे. 

इतर महत्वाची बातमी-