सर परशुरामभाऊ महाविद्यालयात मुलांच्या वसतिगृहात आगीची घटना; अग्निशमन दलाकडून आग आटोक्यात
Fire In Pune SP College: महाविद्यालयातील मुलांच्या वसतीगृहात विद्युत पुरवठा करणाऱ्या सिटी मीटरमध्ये ही आग लागली होती.
Fire In Pune SP College पुणे- सर परशुरामभाऊ महाविद्यालयात (Fire In Pune SP College) आज सकाळी 7 वाजल्याच्या सुमारास आग लागल्याची घटना घडली. महाविद्यालयातील मुलांच्या वसतीगृहात विद्युत पुरवठा करणाऱ्या सिटी मीटरमध्ये ही आग लागली होती. या घटनेची माहिती मिळकाच अग्निशमन दल घटनास्थळी रवाना झाले होते. सध्या अग्निशमन दलाकडून आगीवर नियंत्रण मिळवण्यात आले. या घटनेत सुदैवाने कोणीही जखमी झालेलं नाही.
नेमकं काय घडलं?
अग्निशमन दल घटनास्थळी पोहोचताच जवानांच्या निदर्शनास आले की, सदर ठिकाणी असणाऱ्या मुलांच्या वसतिगृहात भिंतीच्या बाहेरील बाजूस विद्युत पुरवठयासाठी वापरात असलेला सीटी मीटरने पेट घेतला होता व यादरम्यान मोठ्या प्रमाणात आवाज झाल्याने विद्यार्थ्यांमध्ये घबराट निर्माण झाली होती. परंतु, त्याचवेळी तेथील कर्मचारीवर्ग यांनी तातडीने अग्निरोधक उपकरण (फायर एक्स्टिंग्युशर) वापरुन आग विझवण्याचा प्रयत्न करत अग्निशमन दल व महावितरण विभागास संपर्क केला होता. जवानांनी घटनास्थळी पाहणी करुन आग पुर्ण विझवत धोका दुर केला. त्याचवेळी महावितरणकडून पर्वती विद्युत विभागाचे कर्मचारी वेळेत दाखल होत त्यांनीदेखील पाहणी करुन पुढील कार्यवाही केली. या घटनेत सुदैवाने जखमी कोणी नाही.
अग्निरोधक उपकरण वापरत आग विझवण्याचा प्रयत्न-
या कामगिरीत जनता वसाहत अग्निशमन केंद्र येथील वाहनचालक सागर देवकुळे व फायरमन महेंद्र सकपाळ, उमेश शिंदे, सागर पाटील, विजय वाघमारे यांनी सहभाग घेतला. ग्निशमन दल शहर परिसरात विविध आस्थापना तसेच रहिवासी इमारती, शाळा, महाविद्यालये, रुग्णालय, मॉल वा इतर ठिकाणी घेत असलेले अग्निविषयक सुरक्षा व उपाययोजना यांचे व्याख्यान व प्रात्यक्षिके यामुळे आज महाविद्यालयातील कर्मचार्यांनी प्राथमिक स्वरुपात अग्निरोधक उपकरण वापरत आग विझवण्याचा प्रयत्न केला.
महत्त्वाच्या बातम्या
ट्रेंडिंग न्यूज
