Ajit Pawar: दादांनी सरड्यांचे डायनोसर केले..., साथ सोडताचं भोईरांचा घणाघात, चिंचवडमध्ये अजित पवारांच्या पक्षाला खिंडार
Ajit Pawar: चिंचवडची जागा भाजपला सुटत असल्याने भाऊसाहेब भोईरांचा पक्षाला रामराम ठोकला आहे. तीस वर्षे सातत्यानं माझ्यावर अन्याय झाला, असंही भाऊसाहेब भोईर यांनी म्हटलं आहे.
पुणे: आगामी निवडणुकीच्या अनुषंगाने मोठ्या नेत्यांनी आपापले निर्णय घेत पक्षातंराची भूमिका स्पष्ट केली आहे, भोसरी पाठोपाठ चिंचवड विधानसभेतही अजित पवारांना (Ajit Pawar) मोठा धक्का बसला आहे. भाऊसाहेब भोईरांनी राष्ट्रवादी अजित पवार पक्षाला रामराम ठोकला आहे. चिंचवडची जागा भाजपला सुटत असल्याने भाऊसाहेब भोईरांचा पक्षाला रामराम ठोकला आहे. तीस वर्षे सातत्यानं माझ्यावर अन्याय झाला, असंही भाऊसाहेब भोईर यांनी म्हटलं आहे.
पिंपरी चिंचवडमध्ये अजित पवारांनी (Ajit Pawar) सरड्यांचे डायनोसर तयार केले. भ्रष्टाचाराच्या प्रवृत्तीची एक पिढी ही तयार केली. अजित पवारांची साथ सोडताना असा घणाघात ज्येष्ठ नेते भाऊसाहेब भोईरांनी केला आहे. यानिमित्ताने भोसरी पाठोपाठ चिंचवड विधानसभेत ही अजित पवारांना आणखी एक धक्का बसला आहे. चिंचवडची विधानसभा लढण्यास तीव्र इच्छुक असलेल्या भाऊसाहेब भोईरांनी अखेर घड्याळाचे काटे फिरवलेत. 2009 साली माझा कार्यक्रम करण्यासाठी, दिवंगत लक्ष्मण जगताप हे अपक्षचं आमदार झाले. मग आता या सर्वांचा आपण ही तसाच कार्यक्रम करू शकतो. असं म्हणत भोईरांनी बंडखोर करणार असल्याचं समर्थकांसमोर जाहीर केलं.
चिंचवडची जागा भाजपला सुटणार असल्यानं भोईरांनी हा नवा डाव खेळला आहे. यावेळी अजित पवारांनी शहरात सरड्यांचे डायनोसर तयार केले. त्यांनी भ्रष्टाचाराची एक पिढी तयार केली, असा घणाघात ही भोईरांनी केला. मुळात त्यांना हे समजलंच नाही की हे खरंच लायक आहेत का? अजितदादा विकासाच्या दृष्टीने पाहत होते, मात्र इथं शहराची पुरती वाट लागली. साथ सोडताच अशी जहरी टीका भोईरांनी केली आहे.
चिंचवड विधानसभेत अजित पवारांना मोठा धक्का
चिंचवडमध्ये झालेल्या पोटनिवडणुकीत पराभूत झालेले नाना काटे यंदा भाजपसोबत दोन हात करण्यास सज्ज आहेत, यासाठी शरद पवारांच्या पक्षात त्यांनी स्वतंत्रपणे फिल्डिंग लावलेली आहे. दुसरीकडे स्थायी समितीचे माजी अध्यक्ष प्रशांत शितोळे, मोरेश्वर भोंडवे, मयूर कलाटे, विनोद नढे या माजी नगरसेवकांनी शरद पवारांची उघडपणे भेट घेतली. त्याचबरोबर आम्ही एकूण पंधरा माजी नगरसेवक तुतारी फुंकण्यासाठी श्वास रोखून उभे आहोत, असा दावा केला.
तिसरीकडे ज्येष्ठ नेते माजी नगरसेवक भाऊसाहेब भोईर यांनी देखील अजित पवारांच्या राष्ट्रवादीला रामराम ठोकला आहे. आगामी विधानसभेच्या तोंडावर अजित दादांना (Ajit Pawar) एकामागोमाग एक बसणारे हे धक्के पाहता, त्यांचा बालेकिल्लाचं उद्ध्वस्त होण्याच्या मार्गावर आहे. आता या डॅमेज कंट्रोलसाठी अजित पवार कोणता मार्ग शोधणार हे पाहणंही महत्त्वाचं ठरणार आहे.
Before You Go
Majha Vishesh:व्हेज-नॉनव्हेजचा ते शुद्धीकरणावरुन काँग्रेस विरुद्ध भाजप,माझा विशेषमध्ये आज काय विशेष?
महत्त्वाच्या बातम्या
