Pune Crime: बाप की सैतान! पोटच्या मुलीवर वर्षभरापासून अश्लील व्हिडिओ दाखवून लैंगिक अत्याचार अन्..., असे झाले काळे कारनामे उघड
Pune Crime: पुण्यातील वारजे परिसरात राहणाऱ्या एका नराधम बापाने आपल्या पोटच्या मुलीवरच तब्बल एक वर्ष लैंगिक अत्याचार केल्याची घटना घडली आहे.
पुणे: सांस्कृतीक शहर अशी ओळख असणाऱ्या पुण्यातून गुन्हेगारीच्या मोठ्या घटना समोर येत आहेत. असं असतानाच बाप लेकीच्या नात्याला काळीमा फासणारी एक घटना पुणे शहरात घडली आहे. पुण्यातील वारजे परिसरात राहणाऱ्या एका नराधम बापाने आपल्या पोटच्या मुलीवरच तब्बल एक वर्ष लैंगिक अत्याचार केल्याची घटना घडली आहे. तर या घटनेचा उलगडा शाळेतील गुड टच बॅट टच उपक्रमातून उघडकीस आला आला आहे. हा गंभीर प्रकार समोर आल्यानंतर नराधम बापाला पुणे पोलीसांकडून अटक करण्यात आली आहे.
पंकज देवेंद्र ठाकूर वय ३५ असं अटक करण्यात आलेल्या आरोपीचं नाव असून तो मुळचा बिहारचा राहणारा आहे. मिळालेल्या माहितीनुसार गेल्या एका वर्षापासुन तो मुलीला चक्क अश्लील व्हिडिओ दाखवत तिच्यावर लैंगिक अत्याचार करत होता आणि आरोपीच्या मोबाईलमध्ये असे अश्लील व्हिडिओ देखील आढळले असल्याची माहिती पुणे पोलीसांकडून देण्यात आली आहे.
घटना कशी आली उघडकीस?
ही धक्कादायक घटना शाळेतील गुड टच बॅड टच उपक्रमातून उघडकीस आली. शिक्षकांनी दिलेल्या तक्रारीनंतर वारजे माळवाडी पोलिस ठाण्यामध्ये नराधम बापाविरोधात गुन्हा दाखल करण्यात आला. त्यानंतर त्याला अटक करण्यात आली आहे. पोलिस याप्रकरणाचा तपास करत आहेत.
अश्लिल व्हिडीओ दाखवत पोटच्या मुलीवर लैंगिक अत्याचार
पिडित मुलगी वारजे माळवाडी परिसरात आपल्या आई-वडिलांसोबत राहते. ही मुलगी सहावीमध्ये शिकत असून ती 11 वर्षांची आहे. शाळेत गुड टच बॅड टच उपक्रम सुरू असताना मुलीने याबाबतची माहिती दिली. मुलीवर तिच्याच वडिलांनी घरी जबरदस्तीने लैंगिक अत्याचार केले. मोबाइलमध्ये अश्लिल व्हिडीओ दाखवत बापाने आपल्या पोटच्या मुलीवर लैंगिक अत्याचार केल्याचा प्रकार समोर आल्यानंतर संताप व्यक्त केला जात आहे.
उपक्रमादरम्यान पीडित मुलीने तिच्यासोबत घडलेला संपूर्ण प्रकार शिक्षिकेला सांगितला. शिक्षिकेला देखील मोठा धक्का बसला. यानंतर शिक्षकांनी वारजे माळवाडी पोलिस ठाण्यामध्ये धाव घेत याप्रकरणी तक्रार दाखल केली. घटनेचे गांभीर्य लक्षात घेत पोलिसांनी बापाविरोधात गुन्हा दाखल करत केला, काही तासांत नराधम बापाला अटक केली. आरोपीला कोर्टात हजर करण्यात आले असता कोर्टाने आरोपी बापाला 4 दिवसांची पोलिस कोठडी सुनावली आहे.
पुण्यात आठ वर्षांच्या दोन चिमुरड्या मुलींवर स्कुल बस ड्रायव्हरकडून लैंगिक अत्याचार
स्कुल बस ड्रायव्हरने आठ वर्षांच्या दोन मुलींवर लैंगिक अत्याचार केल्याची घटना पुण्यातील वानवडी भागात घडली आहे. याप्रकरणी वानवडी पोलीस ठाण्यात गुन्हा दाखल करण्यात आला असून 45 वर्षांच्या स्कुल बस ड्रायव्हरला अटक करण्यात आली आहे. 30 सप्टेंबरला हा स्कुल बस ड्रायवर विद्यार्थ्यांना घेऊन शाळेत पोहचला. शाळा सुटल्यावर मुलींना पुन्हा घरी सोडताना त्याने आठ वर्षांच्या दोन पिडित मुलींना ड्रायव्हरच्या केबीनमधे बोलावले आणि त्यांच्यासोबत अश्लील चाळे केले. एका पिडीत मुलीने याबाबत पालकांना याबाबतची माहिती दिल्यावर ड्रायव्हरला अटक करण्यात आली. पिडीत मुलींची प्रकृती व्यवस्थीत आहे.
महत्त्वाच्या बातम्या
