![metaverse](https://cdn.abplive.com/imagebank/metaverse-top.png)
LPG Price: वर्षाच्या पहिल्याच दिवशी महागाईचा चटका; एलपीजी गॅस सिलेंडर दरात वाढ
LPG Price: एलपीजी गॅस सिलेंडरच्या दरात आजपासून 25 रुपयांची दरवाढ झाली आहे. जाणून घ्या तुमच्या शहरातील दर...
![LPG Price: वर्षाच्या पहिल्याच दिवशी महागाईचा चटका; एलपीजी गॅस सिलेंडर दरात वाढ Price of 19 kg LPG gas cylinder increased by Rs 25 check rates in your city LPG Price: वर्षाच्या पहिल्याच दिवशी महागाईचा चटका; एलपीजी गॅस सिलेंडर दरात वाढ](https://feeds.abplive.com/onecms/images/uploaded-images/2023/01/01/4114e824c2b475e2f04507bcd5c7172c1672548129121290_original.jpg?impolicy=abp_cdn&imwidth=1200&height=675)
LPG Price: नव्या वर्षाची सुरुवात महागाईच्या चटक्याने झाली आहे. इंधन कंपन्यांनी आज एलपीजी गॅस सिलेंडरचे दर (LPG Cylinder Price) जाहीर केले आहेत. प्रति सिलेंडरमागे 25 रुपयांची दरवाढ ( Price Hike) करण्यात आली आहे. ही दरवाढ व्यावसायिक वापरासाठी असलेल्या एलपीजी सिलेंडरसाठी लागू करण्यात आली आहे. तर, घरगुती वापरासाठीच्या एलपीजी (LPG) गॅस सिलेंडरच्या (Gas Cylinder) दरात कोणताही बदल झाला नाही. वाढत्या महागाईच्या काळात दिलासा देण्यासाठी एलपीजीचे दर (LPG Price) कमी करण्याची मागणी करण्यात येत होती. मात्र, सरकारकडून, इंधन कंपन्यांनी कोणताही दिलासा दिला नाही.
नवीन वर्षाच्या सुरुवातीपासून म्हणजेच आजपासून 1 जानेवारी 2023 पासून व्यावसायिक गॅस सिलिंडरच्या किमतीत वाढ झाली आहे. घरगुती गॅस सिलिंडरच्या किंमतीत कोणताही बदल करण्यात आलेला नाही. त्यामुळे घरातील किचन बजेट बिघडणार नाही. मात्र, व्यावसायिक गॅस सिलेंडर महाग झाल्याने रेस्टॉरंट, हॉटेल आदींतील खाद्यपदार्थ महाग होऊ शकतात. एलपीजीचे नवे दर आजपासून लागू झाले आहेत.
व्यायावसायिक वापरासाठी असलेला एलपीजी सिलेंडर 19 किलोचा असतो. तर घरगुती वापरासाठी असलेला एलपीजी सिलेंडर हा 14.2 किलोंचा असतो. घरगुती एलपीजी सिलेंडरच्या दरात कोणतीही दरवाढ झाली नसली तरी सामान्य ग्राहकांना एका सिलेंडर मागे किमान एक हजार रुपये मोजावे लागतात. वाढत्या महागाईमुळे सामान्यांचे किचन बजेट बिघडले आहे.
देशातील चार मेट्रो शहरात व्यावसायिक एलपीजी सिलेंडरचे दर काय?
दिल्ली - 1769 रुपये प्रति सिलेंडर
मुंबई - 1721 रुपये प्रति सिलेंडर
कोलकाता - 1870 रुपये प्रति सिलेंडर
चेन्नई - 1917 रुपये प्रति सिलेंडर
देशातील चार प्रमुख शहरातील घरगुती वापरासाठीच्या एलपीजी सिलेंडरचे दर काय?
दिल्ली - 1053 रुपये प्रति सिलेंडर
मुंबई - 1052.5 रुपये प्रति सिलेंडर
कोलकाता - 1079 रुपये प्रति सिलेंडर
चेन्नई - 1068.5 रुपये प्रति सिलेंडर
घरगुती वापरासाठी असलेल्या एलपीजी गॅस सिलेंडरच्या दरात मागील काही महिन्यांपासून कोणताही बदल झाला नाही. 6 जुलै 2022 रोजी इंधन कंपन्यांनी घरगुती वापरासाठीच्या एलपीजी दरात प्रति सिलेंडर 50 रुपयांची दरवाढ केली होती.
इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)
![सिद्धेश ताकवले](https://cdn.abplive.com/imagebank/editor.png)