एक्स्प्लोर

Pankaja Munde Wealth: शेअर मार्केटमध्ये 1 कोटींची गुंतवणूक, 45 तोळे सोनं, पण एकही गाडी नाही, जाणून घ्या पंकजा मुंडेंची संपत्ती

Maharashtra Politcs: पंकजा मुंडे यांना भाजपने विधानपरिषद निवडणुकीसाठी उमेदवारी देणे अनेक अर्थांनी महत्त्वाची मानली जात आहे. पंकजा मुंडे यांनी कालच विधानपरिषद निवडणुकीसाठी अर्ज भरला होता. येत्य 12 जुलैला निवडणूक.

By : सुशांत सावंत | Edited By: Rohit Dhamnaskar | Updated at : 03 Jul 2024 11:03 AM (IST)

vidhan parishad election 2024 mlc election 2024 BJP candidate Pankaja Munde total wealth consists shares mutual fund and gold Pankaja Munde Wealth: शेअर मार्केटमध्ये 1 कोटींची गुंतवणूक, 45 तोळे सोनं, पण एकही गाडी नाही, जाणून घ्या पंकजा मुंडेंची संपत्ती

Pankaja Munde Wealth

मुंबई: येत्या 12 तारखेला विधानपरिषदेच्या 11 जागांसाठी होत असलेल्या निवडणुकीमुळे महाराष्ट्राच्या राजकारणात पुन्हा एकदा रंग भरले आहेत. विधानपरिषदेच्या 11 जागा असताना 12 जणांनी उमेदवारी अर्ज दाखल केले आहेत. त्यामुळे आता कोणत्या एका उमेदवाराचा पत्ता कट होणार, याची उत्सुकता सर्वांना लागली आहे. भाजपकडून विधानपरिषदेसाठी (MLC Election 2024) एकूण पाच उमेदवार उभे करण्यात आले आहेत. यामध्ये पंकजा मुंडे (Pankaja Munde) यांना संधी देण्यात आली आहे.

पंकजा मुंडे यांनी मंगळवारी विधानभवनात येऊन विधानपरिषद निवडणुकीसाठी अर्ज दाखल केला. यावेळी त्यांनी प्रतिज्ञापत्र सादर केले. या प्रतिज्ञापत्रातून पंकजा मुंडे यांच्या संपत्तीचा तपशील समोर आला आहे. त्यानुसार पंकजा मुंडे यांच्याकडे तब्बल 6 कोटी रुपयांची जंगम मालमत्ता असल्याचे समोर आले आहे. तसेच स्त्रीधन म्हणून ओळखल्या जाणाऱ्या सोन्यात पंकजा मुंडे यांनी मोठी गुंतवणूक केल्याचे दिसून येत आहे. पंकजा मुंडे यांच्याकडे तब्बल 45 तोळे सोने असल्याचे निवडणूक आयोगाकडे सादर करण्यात आलेल्या प्रतिज्ञापत्रात म्हटले आहे.