Sanjay Raut BMC Mayor 2026: मुंबईच्या महापौरपदावरुन ठाकरे आणि फडणवीसांमध्ये चर्चा?; संजय राऊतांची पहिली प्रतिक्रिया, म्हणाले...
Sanjay Raut BMC Mayor 2026: मुंबईच्या महापौरपदावरून मुख्यमंत्री देवेंद्र फडणवीस आणि ठाकरे गटाचे प्रमुख उद्धव ठाकरे यांच्यात बोलणी सुरु असल्याची सध्या राजकीय वर्तुळात चर्चा आहे.
Sanjay Raut BMC Mayor 2026 मुंबई: मुंबईच्या महापौरपदावरून मुख्यमंत्री देवेंद्र फडणवीस (Devendra Fadnavis) आणि ठाकरे गटाचे प्रमुख उद्धव ठाकरे (Uddhav Thackeray) यांच्यात बोलणी सुरु असल्याची सध्या राजकीय वर्तुळात चर्चा आहे. महापौरपदाच्या निवडणुकीवेळी ठाकरेंचे 65 नगरसेवक गैरहजर राहणार असल्याचं बोललं जात आहे. यासाठी ठाकरे-भाजपात बोलणी सुरु असल्याची सूत्रांची माहिती आहे. आता यावर ठाकरे गटाचे खासदार संजय राऊत यांनी प्रतिक्रिया दिली आहे. (Mumbai Municipal Corporation Election Result 2026)
मुख्यमंत्री देवेंद्र फडणवीस आणि उद्धव ठाकरेंची चर्चा झाली नाही. ठाकरे-भाजपात बोलणी सुरु असल्याची सूत्रांची माहिती आहे. या सगळ्या वृत्तपत्रातील बातम्या आहेत. आम्ही सूत्रांवर विश्वास ठेवत नाही, असं संजय राऊत म्हणाले. कुणाला महापौर करायचं हे भाजप आणि गौतम अदानी ठरवतील, असंही संजय राऊतांनी सांगितले. ज्या प्रकारचे आकडे मुंबईकरांनी दिले आहेत. त्यानूसार भाजप कितीही विजय करत असला तरीही त्यांचा विजय झाला नाही, असंही संजय राऊतांनी सांगितले. एकनाथ शिंदेंना महापौरपदासाठी दिल्लीतून चावी लावली जात आहे. मुंबईत भाजप आणि विशेषतः देवेंद्र फडणवीसांचा महापौर होऊ नये, यासाठी दिल्लीतून प्रयत्न सुरू आहेत, असा दावाही संजय राऊतांनी आजच्या पत्रकार परिषदेत केला. (Devendra Fadnavis Eknath Shinde Yuti)
महापौर निवडीवेळी ठाकरेंचे नगरसेवक गैरहजर राहणार असल्याची चर्चा- (Shivsena UBT BMC Election 2026)
महापौरपदाच्या निवडणुकीवेळी ठाकरेंचे 65 नगरसेवक गैरहजर राहणार असल्याचं बोललं जात आहे. मुंबई महानगरपालिकेच्या महापौरपदाच्या निवडणुकीसाठी ठाकरेंच्या शिवसेनेचे नगरसेवक गैरहजर राहिल्यास निवडणूक बिनविरोध होईल. त्यामुळे मुंबई महापालिकेत 2017 सालाची भरपाई ठाकरे भाजपला करुन देणार असल्याची चर्चा सुरु आहे. मात्र भाजपचे आमदार प्रवीण दरेकर यांनी अशी ठाकरे गटासोबत अशी कोणतीही चर्चा सुरु नसल्याचं स्पष्टीकरण दिलं आहे. 2017 साली ठाकरेंचा महापौर व्हावा म्हणून भाजपनं माघार घेतली होती. अशातच, महापौर निवडीवेळी ठाकरेंचे नगरसेवक गैरहजर राहणार असल्याची चर्चा सुरु आहे. 2017 सारखीच रणनीती आताही असल्याची राजकीय वर्तुळात चर्चा आहे. भाजपने 2017 साली ठाकरेंच्या शिवसेनेसोबत सत्तेत सहभागी होणार नाही, असा निर्णय घेतला होता. पहारेकऱ्याची भूमिकेत भाजप होतं. तसेच भाजपने विरोधी पक्षनेते पद न घेतल्याने, मग काँग्रेसला ते विरोधी पक्षनेते पद गेले.
मुंबई महापालिकेचा अंतिम निकाल-(BMC Election Result 2026)
भाजप - 89
शिवसेना ठाकरे गट - 65
शिवसेना - 29
काँग्रेस - 24
मनसे - 6
एमआयएम- 8
एनसीपी - 3
एसपी - 2
एनसीपी शप - 1
————-
एकूण- 227
उद्धव ठाकरे आणि देवेंद्र फडणवीसांमध्ये पडद्यामागे चर्चा?, VIDEO:
संबंधित बातमी:
महत्त्वाच्या बातम्या
