Raosaheb Danve on Majha Katta : मनोज जरांगेंच्या आंदोलनाचा भाजपला मराठवाड्यात किती फटका बसला? रावसाहेब दानवेंनी गणित माडलं

Raosaheb Danve on Majha Katta : "अंतरवाली सराटीतील आंदोलनचा फटका कोणाला बसला याचा विचार जनता करेन. मला असं वाटतं की या आंदोलनाचा फटका सर्वच राजकीय पक्षांना बसलेला आहे"

Photo Credit - abp majha reporter

Raosaheb Danve on Majha Katta : "अंतरवाली सराटीतील आंदोलनचा फटका कोणाला बसला याचा विचार जनता करेन. मला असं वाटतं की या आंदोलनाचा फटका सर्वच राजकीय पक्षांना बसलेला आहे. लोकसभा निवडणुकीत भाजपला सर्वाधिक मतं पडली आहेत. काँग्रेस , राष्ट्रवादीला सर्वांत जास्त मतं पडलेली नाहीत. हे सर्वजण एकत्र आले, असे त्यांना मत पडले आहेत. त्याची ही बेरीज आहे. त्यांचे 30 उमेदवार निवडून आले. आमचे 17 आले. अपक्ष 1 आला. या सगळ्यांचे आकडे मिळून तुम्ही भाजपला फटका बसला असं म्हणत आहात. भाजपच्या मतांमध्ये कोणताच फरक पडलेला नाही. आम्हाला 42 टक्के मतं पडले, त्यांना 43 टक्के पडले. आमच्यात आणि त्यांच्यात 3 टक्के फरक पडलाय. फक्त जागेच्या आणि मतांचा आमच्यासाठी फरक पडला, पण मतांमध्ये फर पडला नाही", असे भाजप नेते रावसाहेब दानवे म्हणाले. ते माझा कट्टावर बोलत होते. मी वयाच्या विसाव्या वर्षापासून राजकारणात आलो. मी आजवर 26 निवडणूका लढलो. मला 45 वर्ष राजकारणात झाले. त्यामुळे यश-अपयश पाहिले आहे, असंही दानवे यांनी सांगितलं. 

 शेवटी आरक्षण कोणी दिलं? ते कशामुळं टिकलं नाही? याचाही अभ्यास केला पाहिजे

रावसाहेब दानवे म्हणाले, अंतरवाली सराटीतील आंदोलन तर मराठा समाजाच्या आहे. खरतर 1980  अण्णासाहेब पाटील यांच्यापासून  या आंदोलनाला सुरुवात झाली. अण्णासाहेब पाटील यांनी एका जाहीर सभेत असं म्हटलं होतं की, तुम्ही जर मराठा समाजाच्या आरक्षणाचा निर्णय ताबडतोब घेतला नाही, तर मी माझा जीव ठेवणार नाही. शेवटी त्यांनी स्वत:ला शूट करुन घेतलं. तेव्हापासून आत्तापर्यंत हे आंदोलन चालू आहे. यादरम्यान किती सरकार आले? कोण कोण सत्तेत होतं? तर मराठा समाजाच्या आंदोलनामध्ये जे जे कोणी सक्रीय लोक आहेत. त्या लोकांनी याचे विश्लेषण केले पाहिजे. या आंदोलनात कोणी कोणी खोडा घातला? मराठा समाजाला आरक्षण का मिळू दिलं नाही? याचे विश्लेषण करुन त्याचे प्रबोधन देखील केले पाहिजे. शेवटी आरक्षण कोणी दिलं? ते कशामुळं टिकलं नाही? याचाही अभ्यास केला पाहिजे, असं रावसाहेब दानवे यांनी सांगितलं. 

Raosaheb Danve on Majha Katta : 4 वेळा खासदार, केंद्रात मंत्री, यंदा रावसाहेब दानवे यांचा पराभव कसा?

 

इतर महत्वाच्या बातम्या