Raj Thackeray-Uddhav Thackeray Alliance: उद्धव ठाकरेंच्या वक्तव्यानंतर राज ठाकरेंनी बैठक बोलावली; नेमकी काय चर्चा झाली?, बाळा नांदगावकरांनी सगळी माहिती सांगितली
Raj Thackeray-Uddhav Thackeray Alliance: उद्धव ठाकरेंसोबतच्या युतीच्या चर्चांदरम्यान आज राज ठाकरे यांनी शिवतीर्थ येथे मनसेच्या पदाधिकाऱ्यांची बैठक बोलावली होती.
Raj Thackeray-Uddhav Thackeray Alliance मुंबई: मनसेप्रमुख राज ठाकरे (Raj Thackeray) आणि ठाकरे गटाचे प्रमुख उद्धव ठाकरे (Uddhav Thackeray) सध्या एकत्र येणार असल्याची चर्चा रंगली आहे. याचदरम्यान काल माध्यमांशी बोलताना जे जनतेच्या मनात आहे, तेच होईल. आता थेट बातमीच देऊ, असं विधान उद्धव ठाकरेंनी केलं. त्यामुळे मनसे आणि शिवसेना ठाकरे गटाच्या युतीच्या चर्चांनी जोर धरला आहे.
उद्धव ठाकरेंसोबतच्या युतीच्या चर्चांदरम्यान आज राज ठाकरे यांनी शिवतीर्थ येथे मनसेच्या पदाधिकाऱ्यांची बैठक बोलावली होती. यानंतर मनसेचे नेते बाळा नांदगावकर यांनी माध्यामांशी संवाद साधत या बैठकीबाबत महत्वाची माहिती दिली. वरळीला मेळावा झाला होता, त्यात राज ठाकरे यांनी समितीबद्दल सांगितलं होत. माझ्याकडे गटाध्यक्ष केंद्रीय समिती होती. आमच्या टीममध्ये दीडशे ते पावणेदोनशे सदस्य होते. त्याचा अहवाल आम्ही दिला. ग्राउंड लेव्हलवर अभ्यास करून हा अहवाल दिला आहे. 227 मतदारसंघात जाऊन हा अहवाल तयार केला, असं बाळा नांदगावकरांनी सांगितले. तसेच 13 जूनला आता बैठक होणार आहे. हा पहिला राऊंड आहे. बरेच सकारात्मक मतदारसंघ मिळाले आहेत. दुसऱ्या ग्राउंडमध्ये लोकांसोबत चर्चा करून त्यानंतर सर्व काही समोर येईल, असं बाळा नांदगावकरांनी सांगितले.
युतीबाबत राज ठाकरे निर्णय घेतली- बाळा नांदगावकर
शिवसेना ठाकरे गटासोबतच्या युतीबाबत काय भूमिका घ्यायची, तो निर्णय राज ठाकरे घेतील. ठाकरे बंधू एकत्र येणार की नाही, यावर मी काही बोलू शकत नाही. माझ्या मनात काय आहे? काय नाही?, त्याच्यापेक्षा पक्षप्रमुखांना त्याचं महत्त्व आहे, असं बाळा नांदगावकर म्हणाले. सध्या मनसे आणि ठाकरे गटाच्या संभाव्य युतीवर कोणतेही भाष्य करणं मला योग्य वाटत नाही, असंही बाळा नांदगावकर म्हणाले. सध्या ठाकरे बंधूंबाबतचा प्रश्न माझ्या अखत्यारित नाही, असं बाळा नांदगावकरांनी सांगितले. वरिष्ठांमध्ये काय चाललंय याची मला कल्पना नाही, असंही बाळा नांदगावकर म्हणाले.
'सामना'च्या मुखपृष्ठावर राज अन् उद्धव ठाकरेंचा एकत्र फोटो
आज शिवसेनेचं मुखपत्र असलेल्या सामन्यात मोठ्या कालावधीनंतर दोन्ही ठाकरे बंधुंचा एकत्र फोटो पाहायला मिळाला. आजच्या 'सामना'च्या मुखपृष्ठावर राज आणि उद्धव ठाकरेंचा एकत्र फोटो छापण्यात आला आहे. मोठ्या कालावधीनंतर दोन्ही ठाकरे बंधुंचा एकत्र फोटो पाहायला मिळत आहे. या फोटोसह उद्धव ठाकरे म्हणाले, संदेश देणार नाही...बातमीच देतो...महाराष्ट्राच्या मनात आहे तेच होणार, शिवसेना-मनसे युतीबाबत थेटच बोलले...सूर जुळणार! उत्सुकता वाढली, असंही म्हटलं आहे.
राज-उद्धव एकत्र येण्याची चिन्हे; बाळा नांदगावकर काय म्हणाले?, VIDEO:
संबंधित बातमी:
महत्त्वाच्या बातम्या
