Raj Thackeray-Uddhav Thackeray Alliance: एकीकडे उद्धव ठाकरेंसोबतच्या युतीची चर्चा; दुसरीकडे राज ठाकरेंनी दुसरा पत्ता उघडला, मनसेच्या बैठकीची Inside Story
Raj Thackeray-Uddhav Thackeray Alliance: उद्धव ठाकरेंसोबतच्या एकत्र येणार असल्याची चर्चा सुरु असतानाच राज ठाकरे यांच्या निवासस्थानी बैठकींचे धडाके सुरू आहेत.
Raj Thackeray-Uddhav Thackeray Alliance मुंबई: मनसेप्रमुख राज ठाकरे (Raj Thackeray) आणि ठाकरे गटाचे प्रमुख उद्धव ठाकरे (Uddhav Thackeray) एकत्र येणार असल्याची चर्चा सुरु असतानाच राज ठाकरे यांच्या निवासस्थानी बैठकींचे धडाके सुरू आहेत. आज मनसेच्या केंद्रीय समितीची पुन्हा बैठक शिवतीर्थ या राज ठाकरे यांच्या निवासस्थानी पार पडली. 2014 आणि 2017 या निवडणुकानंतर पुन्हा एकदा 2025 च्या मुंबई महापालिका निवडणुकीच्या पार्श्वभूमीवर ठाकरे ब्रँड टिकवायला मनसेप्रमुख उद्धव ठाकरे आणि ठाकरे गटाचे प्रमुख उद्धव ठाकरे एकत्र येतील ही चर्चा रंगली आहे. सलग तीन दिवसाच्या चर्चेनंतर मुंबईत राज आणि उद्धव ठाकरे एकत्र येण्याचे मराठी माणसाचे गळ घालणारे पोस्टर्स पाह्याला मिळत आहे. सोबत दोन्ही नेत्यांच्या मराठी माणसासाठी आणि महाराष्ट्रासाठी एकत्र येण्यासंदर्भात माध्यमांवर चर्चा केली. मात्र प्रत्यक्षात दोनही राजकीय पक्षांनी आपापल्या राजकीय ताकदीबाबत चाचपणी सुरू केली आहे.
युतीच्या चर्चांसोबत 'एकला चलो रे'ची चाचपणी?
शिवसेना ठाकरे गटाच्या मुंबई महापालिका शिवसेनेकडे ठेवण्यासंदर्भात हालचाली सुरू आहे. दुसरीकडे महाराष्ट्र नवनिर्माण सेनेनेही आपल्या विभाग अध्यक्ष, उपविभाग अध्यक्ष, गटनेते शाखाप्रमुख इत्यादीसोबत झालेल्या बैठकीचा अहवाल राज ठाकरे यांच्याकडे केंद्रीय समितीने सादर केला. 36 विधानसभा मतदारसंघातील आढावा घेतल्यानंतर पक्षातील रिक्त पद, पक्षाची स्थिती, पक्षाकडे सध्या असलेली ताकद, पक्षाबाबत लोकांचा असलेला कल, आणि अपेक्षित बदल या सर्व गोष्टीचा लेखाजोगा राज ठाकरेंकडे अहवालाद्वारे मनसेच्या केंद्रीय समितीच्या नेत्यांनी सादर केला आहे. आगामी 13 जून 2025 रोजी गटाध्यक्षांच्या केंद्रीय समितीची बैठक होईल. सोबतच मतदार संघाबाबतही नवे अहवाल सादर होतील, अशी माहिती समोर आली आहे.
मनसेच्या बैठकीची इनसाईड स्टोरी-
1. मनसेप्रमुख राज ठाकरे आणि ठाकरे गटाचे प्रमुख उद्धव ठाकरे एकत्र येणार असल्याची चर्चा सुरु असतानाच राज ठाकरे यांच्या निवासस्थानी बैठकींचे धडाके सुरू आहेत. आज मनसेच्या केंद्रीय समितीची पुन्हा बैठक शिवतीर्थ या राज ठाकरे यांच्या निवासस्थानी पार पडली.
2. आजच्या बैठकीत केंद्रीय समिती च्या गटाध्यक्षांसोबत राज ठाकरे यांनी चर्चा केली आहे.
3. केंद्रीय गटाध्यक्षांची जबादारी ही बाळा नांदगावकर यांच्यावर आहे. त्यासोबत मुंबई अध्यक्ष संदीप देशपांडे आणि इतर केंद्रीय समितीच्या नेत्यांसोबत राज ठाकरे यांनी चर्चा केली आणि आढावा घेतला आहे.
4. स्थानिक स्वराज्य संस्थेच्या पार्श्वभूमीवर मनसेने 227 मतदार संघाचा आढावा आणि अहवाल तयार केला आहे तो अहवाल आज राज ठाकरे यांच्या पुढे मांडण्यात आला आहे.
5. या अहवालात काही सकारात्मक मतदार संघ आहेत असेही राज ठाकरे यांच्या समोर मांडण्यात आलेल आहे. नाशिक - मुंबई - पुणे यांना सोडून इतर काही मतदार संघाची रूपरेषा उभारण्यात आली आहे.
6. या मतदारसंघातून आता उपाध्यक्ष आणि गटाध्यक्ष यांच्याकडून आढावा घेऊन हा अहवाल तयार करण्यात आला आहे.
7. पहिला राउंड केल्यानंतर आणखी दोन राउंड करण्यात येणार आहे यावेळी नेटव मांडली ही ग्राउंड वर जाऊन लोकांसोबत चर्चा करतील.
8. पुन्हा एखदा मतदार संघांवत चर्चा आणि नवे अहवाल घेऊन आता 13 जूनला गटाध्यक्षांच्या केंद्रीय समितीची बैठक पार पडेल.
9. आज बैठकील बाळा नांदगावकर, कर्णबाळा दूनबळे, संदीप देशपांडे, अविनाश जाधव आणि यशवंत किल्लेदार जी नेते मंडळी उपस्थित होती.
राज-उद्धव एकत्र येण्याची चिन्हे; बाळा नांदगावकर काय म्हणाले?, VIDEO:
संबंधित बातमी:
महत्त्वाच्या बातम्या
