भारत जोडो यात्रेत राहुल गांधींनी घातली 41,257 रुपयांची टी-शर्ट, भाजपच्या ट्वीटला काँग्रेसने असं दिलं उत्तर

Rahul Gandhi T-shirt: काँग्रेसची भारत जोडो यात्रा राहुल गांधी यांच्या नेतृत्वात कन्याकुमारी येथून सुरु झाली आहे. पहिल्या दिवशी राहुल गांधी यांनी या यात्रेत 20 किमी पायी अंतर कापलं.

Rahul Gandhi

Rahul Gandhi T-shirt: काँग्रेसची भारत जोडो यात्रा राहुल गांधी यांच्या नेतृत्वात कन्याकुमारी येथून सुरु झाली आहे. पहिल्या दिवशी राहुल गांधी यांनी या यात्रेत 20 किमी पायी अंतर कापलं. या यात्रेचा आजचा हा तिसरा दिवस आहे. याच दरम्यान भाजपने आज टी-शर्टचा फोटो शेअर करत राहुल गांधी यांची खिल्ली उडवली आहे. भाजपने हा फोटो शेअर करत आपो केला आहे की, राहुल गांधी यांनी घेतलेल्या टी-शर्टची किंमत  41,257 रुपये आहे. भाजपने भारत जोडो यात्रेची खिल्ली उडवली आणि ट्वीटमध्ये लिहिले की, 'भारत देखो.'

भाजपच्या या ट्वीटला आता काँग्रेसनेही चांगलंच प्रत्युत्तर दिलं आहे. काँग्रेसने या ट्वीटवर उत्तर देताना म्हटलं आहे की, "अरे... तुम्ही घाबरलात का? भारत जोडो यात्रेत जमलेली गर्दी पाहून. मुद्दावर बोला, बेरोजगारी आणि महागाईवर बोला. बाकी कपड्यांवर चर्चा करायची असेल तर ही चर्चा मोदीजींच्या 10 लाखांचा सूट आणि 1.5 लाखांच्या चष्म्यापर्यंत जाईल, बोला करायची आहे का?''

अरे... घबरा गए क्या? भारत जोड़ो यात्रा में उमड़े जनसैलाब को देखकर।

मुद्दे की बात करो... बेरोजगारी और महंगाई पर बोलो।

बाकी कपड़ों पर चर्चा करनी है तो मोदी जी के 10 लाख के सूट और 1.5 लाख के चश्मे तक बात जाएगी।

बताओ करनी है? @BJP4India https://t.co/tha3pm9RYc

— Congress (@INCIndia) September 9, 2022

भाजपच्या या ट्वीटला आता काँग्रेस नेतेही प्रत्युत्तर डेट आहेत. यावर बोलताना काँग्रेस खासदार जयराम रमेश म्हणाले की,  "आता तर दया येत आहे. कन्याकुमारी-काश्मीर, आतापर्यंतच्या सर्वात मोठ्या भारत जोडी यात्रेचे उत्तर, केंद्रातील सत्ताधारी पक्षाकडे 'टी-शर्ट' आहे. लोकशाहीत जेव्हा एक पक्ष देशाला एकत्र करत आहे, तर फूट पाडणारा पक्ष अजूनही टी-शर्ट आणि खाकी शॉर्ट्समध्ये लटकत आहे, ही भीती चांगली आहे."

याआधी आज काँग्रेस खासदार राहुल गांधी यांनी पत्रकार परिषद घेत भाजपवर निशाणा साधला होता. भाजपने देशातील संस्थांवर आपले लोक नेमले आहेत, असा आरोप त्यांनी केला. राहुल गांधी म्हणाले की, "जे त्यांच्या विरोधात आहेत त्यांच्यावर दबाव आणतात. आम्हाला राजकीय पक्षांशी लढण्याची सवय झाली आहे. पण आता ही लढाई पक्षांमध्ये राहिलेली नाही."