Praniti Shinde : भाजपने देशाला जाती-धर्माची कीड लावली, काँग्रेस उमेदवार प्रणिती शिंदेंचा घणाघात

Solapur Lok Sabha Election 2024 : भाजपने आपल्या देशाला धर्माची आणि जातीची कीड लावली आहे, असं म्हणत काँग्रेस उमेदवार प्रणिती शिंदे यांनी भाजपवर जोरदा टीका केली आहे.

Praniti Shinde criticized BJP

Source : ABP Majha Reporter Solapur

सोलापूर : लोकसभा निवडणूकीच्या (Lok Sabha Election 2024) दृष्टीने सोलापूर (Solapur) काँग्रेसच्या (Congress) उमेदवार प्रणिती शिंदे (Praniti Shinde) यांनी प्रचार सभांचा धडाका लावला आहे. "मी लेक सोलापूरची" या टॅगलाईनवर प्रणिती सध्या भर देताना दिसून येत आहेत. यावेळी भाजपवर प्रणिती शिंदे मोदी सरकारवर जोरदार प्रहार करताना दिसत आहेत. भाजपने आपल्या देशाला धर्माची आणि जातीची कीड लावली आहे, असं प्रणिती शिंदे यांनी म्हटलं आहे. अक्कलकोट तालुक्यातील चपळगावमधील सभेत त्यांनी हे वक्तव्य केलं आहे. 

प्रणिती शिंदेंना सरकारवर जोरदार घणघात

भाजपने देशाला धर्माची आणि जातीची किड लावल्याची टीका प्रणिती शिंदेंनी केली आहे. मी राजकारणात टक्केवारी किंवा सत्तेसाठी आलेली नसून मला ईडीची भीतीही नाही, असा हल्लाबोल देखील त्यांनी केलाय. दिल्लीपर्यंत तुमचा आवाज घेऊन जाण्यासाठी मी ही लढाई लढत आहे. 

भाजपने धर्माची आणि जातीची कीड लावली 

'हाथी के दाात दिखाणे के एक और खाणे के एक' यांच्या विचारसरणीमुळे सोलापूर आज 20 वर्ष मागे गेलाय, तर आपला देश 50 वर्ष मागे गेलाय. आपल्या देशाला भाजपच्या विचारसरणीने धर्माची आणि जातीची कीड लावली आहे. धर्म - जातं करून लोकांमध्ये तेढ निर्माण करतायत,आधी आपण असे नव्हतो.

10 वर्षात भाजपने काय काम केलं?

मागच्या 10 वर्षात सोलापूर लोकसभा मतदारसंघावर खूप मोठा अन्याय झाला आहे. मागच्या 10 वर्षात मतदारांनी सगळं भाजपला दिलं. मात्र त्यांनी तुम्हाला ठेंगा दिला, भाजपने तुम्हाला धोका दिला, तुमचा विश्वासघात केला. मागील 10 वर्षात सोलापूरने निवडून दिलेल्या भाजपच्या खासदाराने काय काम केलं, हा एकच प्रश्न त्यांना विचारा, त्यांची बोलती बंद होईल. ऐन निवडणुकीच्या तोंडावर पेट्रोलचा वाढलेला भाव फक्त 2 रुपयांनी कमी केला म्हणजे ही लोक आपणाला भीक देतायत की काय? असा सवालही त्यांनी यावेळी उपस्थित केला आहे.

400 सोडा, हे 100 पारही जाणार नाहीत

भाजपकडे आमदारांना विकत घ्यायला 50 कोटी आहेत, दिल्लीचे मुख्यमंत्री अरविंद केजरीवाल यांना रातोरात अटक करतात. जर 400 पार होणार याबद्दल तुम्हाला एवढा आत्मविश्वास आहे, तर एवढी भीती का आहे तुम्हाला? ही लोक 400 सोडा, मुश्किलने 100 च्या पण पार जाणार नाहीत, कारण त्यांच्याकडे तसा रिपोर्ट आहे. समोरून उज्वला योजना आणतात आणि मागून पिवळं कार्ड बंद करतात. धान्यच मिळत नसेल तर, त्या सिलेंडरवरती काय शिजवायचं?

मी ईडीला घाबरत नाही

निवडणुकीच्या वेळेस आपण सर्वधर्म समभावावर मतदान करायचो. सर्वधर्म समभाव विचारसरणी असणाऱ्या लोकांना धर्मावर मतदान करायला हे प्रवृत्त करताय. ज्या दिवशी असं व्हायला लागेल, त्या दिवशी लोकशाहीला धोका निर्माण व्हायला लागतो, म्हणून जागे व्हा, ते फक्त गाजर दाखवत आहेत. मी एकमेव आहे, जी विधानसभेत भाजप विरोधात बोलते. जोपर्यंत काँग्रेस जिवंत आहे, तोपर्यंत आम्ही तुमचा आवाज दाबू देणार नाही. मला फक्त एकदा आशीर्वाद द्या, मग बाकी ते टेन्शन माझं. मी ईडीबिडीला घाबरत नाही, मी राजकारणात टक्केवारी आणि सत्तेसाठी आलेली नाही त्यामुळे माझा त्रास तुम्हाला कधीच होणार नाही, असंही प्रणिती शिंदे यांनी यावेळी म्हटलं आहे.

महत्त्वाच्या इतर बातम्या :