लोकसभेला 4 जागा घेऊन कमीपणा घेतला, आता विधानसभेला भरपाई करु, अजितदादांच्या खास नेत्याने फॉर्म्युला सांगितला
Praful Patel on Loksabha Election : उपमुख्यमंत्री अजित पवारांनी (Ajit Pawar) महायुतीमध्ये प्रवेश केल्यानंतर पहिल्यादांच भारतीय जनता पक्षासोबत (BJP) जाऊन निवडणूक लढवण्याचा निर्णय घेतला.
Praful Patel on Loksabha Election : उपमुख्यमंत्री अजित पवारांनी (Ajit Pawar) महायुतीमध्ये प्रवेश केल्यानंतर पहिल्यादांच भारतीय जनता पक्षासोबत (BJP) जाऊन निवडणूक लढवण्याचा निर्णय घेतला. दरम्यान, लोकसभा निवडणुकीत (Loksabha Election) अजित पवारांच्या राष्ट्रवादीच्या वाट्याला केवळ 4 जागा आल्या. यामध्येही दोन उमेदवार आयात करावे लागले. तर बारामती लोकसभा मतदारसंघातून अजित पवारांनी पत्नी सुनेत्रा पवार यांना उमेदवारी दिली. दरम्यान, लोकसभेला राष्ट्रवादीच्या (NCP Ajit Pawar) वाट्याला कमी जागा आल्या आहेत, यावर राष्ट्रवादीचे नेते प्रफुल्ल पटेल (Praful Patel) यांनी भाष्य केलं आहे.
प्रफुल्ल पटेल म्हणाले, लोकसभा निवडणुकीचा (Loksabha Election) सारासार विचार करुन आम्ही कमी जागा घेतल्या आहेत. आम्ही जास्त जागांची मागणी केली होती, पण तिन्ही पक्षांमध्ये जागा वाटप करताना अडचणी येतात. हे विचारात घेऊन आम्ही कमी जागांवर समाधान मानले. लोकसभा निवडणुकीत राष्ट्रवादीने चार जागांवर उमेदवार दिले आहेत. महादेव जानकरांची जागा आम्ही तिन्ही पक्षांचा विचार करुन सोडली, असंही पटेल यांनी स्पष्ट केलं.
विधानसभेबाबत काय म्हणाले?
लोकसभा निवडणुकीत महायुतीच्या जागा वाटपात राष्ट्रवादीच्या वाट्याला कमी जागा आल्या. पण आता विधानसभेच्या जागावाटपात (Assembly Election) अधिकच्या जागा पदरात पाडून त्याची भरपाई करु, असं प्रफुल्ल पटेल (Praful Patel) यांनी म्हटलं आहे. अजित पवारांच्या राष्ट्रवादी काँग्रेसचे नेते प्रफुल्ल पटेल (Praful Patel) यांनी मंगळवारी ‘लोकसत्ता' या वृत्तपत्रास मुलाखत दिली. यावेळी ते बोलत होते.
सातारच्या जागेवर आमचा दावा होता
पुढे बोलताना पटेल म्हणाले, सातारच्या जागेवर आमचा दावा होता, पण उदयनराजे भोसले यांच्यासाठी आम्ही ती जागा सोडली. पण सातारच्या जागेच्या बदल्यात राज्यसभेची एक जागा देण्याचे आश्वासन भाजपने आम्हाला दिले आहे. याचाच अर्थ आम्हाला सहा जागा मिळाल्या आहेत, असं गणितही पटेल (Praful Patel) यांनी सांगितलं. मी कधीच शरद पवारांच्या विरोधात बोलणार नाही. सध्यस्थितीत शरद पवार (Sharad Pawar) मोठे नेते आहेत, भविष्याचा विचार करता अजित पवार यांना अधिक पाठिंबा मिळेल. शरद पवार यांच्याबद्दल आमच्या सर्वांच्या मनात आजही आदराची भावना आहे, असंही पटेल (Praful Patel) यांनी स्पष्ट केले.
इतर महत्वाच्या बातम्या
Prithviraj Chavan: शरद पवार गट काँग्रेस पक्षात विलीन होणार की नाही, हे 'या' एका गोष्टीवर अवलंबून; पृथ्वीराज चव्हाणांचं महत्त्वाचं वक्तव्य
महत्त्वाच्या बातम्या
