Video: अजित पवारांचे गुलाबी जॅकेट, पुतण्याच्या बदलत्या रंगावरुन काकांचा टोला, एकच हशा पिकला

राष्ट्रवादी काँग्रेसमध्ये फूट पडल्यानंतर दोन पक्ष निर्माण झाले असून दोन्ही पक्ष सध्या विधानसभेच्या तयारीला लागले आहेत. उपमुख्यमंत्री अजित पवारांनी अगदी पेहराव बदलण्यापासून तयारी केल्याचं दिसून आलं.

sharad pawar on ajit pawar gulabi jacket

Source : sharad pawar on ajit pawar gulabi jacket

पुणे: राष्ट्रवादी काँग्रेसचे(SP) अध्यक्ष शरद पवार (Sharad pawar) विधानसभेच्या तयारीला लागले असून रविवारी त्यांनी सोलापूर दौऱ्यात आपल्या जुन्या सहकाऱ्यांच्या गाठीभेटी घेतल्याचं दिसून आलं. या दौऱ्यात अनेक ठिकाणी मराठा आंदोलकांना शरद पवारांना भूमिका स्पष्ट करण्याबाबत विचारणा केली. तर, मराठा क्रांती ठोक मोर्चाचे आंदोलक रमेश केरे पाटील यांनी आज शरद पवार यांची भेट घेऊन, त्यांची भूमिका जाहीर करण्याची मागणी केली. त्यानंतर, शरद पवार यांनी आज पुण्यात पत्रकार परिषद घेऊन मराठा आरक्षणासह (Maratha Reservation) विविध विषयांवर भूमिका स्पष्ट केली. त्यानंतर शरद पवारांनी पत्रकार परिषद घेऊन आपली भूमिका मांडली. तसेच, यावेळी अजित पवारांच्या (Ajit pawar) गुलाबी जॅकेट आणि त्यांच्या राष्ट्रवादीचा गुलाबी माहोल यासंदर्भात प्रश्न विचारला होता. त्यावर, शरद पवारांनी मिश्कीलपणे पवारस्टाईल उत्तर दिले.  

राष्ट्रवादी काँग्रेसमध्ये फूट पडल्यानंतर दोन पक्ष निर्माण झाले असून दोन्ही पक्ष सध्या विधानसभेच्या तयारीला लागले आहेत. राष्ट्रवादीचे राष्ट्रीय नेते तथा उपमुख्यमंत्री अजित पवारांनी अगदी पेहराव बदलण्यापासून तयारी केल्याचं दिसून आलं. गुलाबी जॅकेट, गुलाबी बॅनर, गुलाबी गाडी आणि माहोल गुलाबी करुन ते सध्या लाडकी बहीण योजनेबाबत सर्वत्र जागृती करत आहेत. त्यामुळे, आगामी विधानसभा निवडणुकीत त्यांना या गुलाबी रंगाचा फायदा होईल का, विधानसभेला महिला वर्ग त्यांच्याकडे आकर्षित होईल का, असा प्रश्न शरद पवार यांना विचारण्यात आला होता. त्यावर, शरद पवारांनी त्यांच्यास्टाईलने उत्तर दिले. शरद पवारांना हा प्रश्न विचारणाऱ्या पत्रकाराने निळ्या रंगाचा शर्ट घातला होता. त्यामुळे, तुम्ही निळ्या रंगाचा शर्ट घातल्याने तुमच्याकडे महिला आकर्षित होतील का, असा प्रतिप्रश्न विचारत शरद पवारांनी मिश्कील टोला लगावला, त्यामुळे पत्रकारांमध्ये हशा पिकल्याचं पाहायला मिळालं. तसेच, अजित पवारांच्या बदलत्या रंगाच्या भूमिकेचा त्यांना फायदा होणार नाही, असेच पवारांनी सूचवलं आहे.    

मराठा आरक्षणावरही भूमिका स्पष्ट

मुख्यमंत्र्यांनी सर्वपक्षीय नेत्यांची बैठक बोलवावी. या सर्वपक्षीय बैठकीला मनोज जरांगे पाटील यांना बोलवावं. छगन भुजबळ आणि लक्ष्मण हाके यांनाही बैठकीला बोलवावं.  50 टक्क्यावर आरक्षण देता येणार नाही असा कोर्टाने निर्णय दिला आहे. पण तामिळनाडूमध्ये 73 टक्के पेक्षा जास्त आरक्षण दिले होते. हे धोरण बदललं पाहिजे 50 टक्क्यावर आरक्षण देण्याचा अधिकार केंद्राचा आहे, त्याला आमचं पूर्ण सहकार्य असणार. जरांगे यांनी मुस्लिम, धनगर यांच्या आरक्षणाचाही मुद्दा मांडला, समाजात नाराजी होती ती दूर झाली आहे, असं शरद पवार म्हणाले. मराठा आरक्षणासाठी पर्याय काय आहे? यावर माझी मुख्यमंत्र्यांशी चर्चा झाली. मी सूचवले सर्वपक्षीय बैठक बोलवावी. त्यात सरकारची जी भूमिका राहील त्याला आमचा पाठींबा असेल. आम्ही सरकार बरोबर असू. ⁠या बैठकीला मनो जरांगे यांना पण बोलवावे. ओबीसी नेते आंदेलक यांना ही बोलवावे. या संयुक्त बैठकीत मार्ग काढावा.  त्याच अडचण येण्याची एक शक्यता आहे. 50 टक्यांच्यावर आरक्षण देता येत नाही. ⁠त्यासाठी हे धोरण बदलावे लागेल आणि याचा आधिकार केंद्र सरकारकडे आहे.  केंद्र सरकारला यासाठी आमचे पूर्ण सहकार्य राहील.

व्हिडिओ - मग लगेच महिला अट्रॅक्ट होतील का? गुलाबी जॅकेटवरुन टोला

हेही वाचा