एक्स्प्लोर

MVA seat sharing : काँग्रेस 14, ठाकरेंना 15 , तर 8 जागांवरुन तिढा, 40 मतदारसंघातील मविआचं जागावाटप फायनल, कुणाला कोणता मतदारसंघ?

MVA seat sharing formula : महाविकास आघाडीच्या (MVA seat sharing formula) लोकसभेच्या 40 जागांवर अंतिम निर्णय झाल्याचं सांगण्यात येत आहे. या 40 जागांमध्ये कोणाला कोणता मतदारसंघ हे जवळपास निश्चित झालं आहे.

By : वेदांत नेब | Updated at : 31 Jan 2024 01:48 PM (IST)

MVA seat sharing for Lok Sabha election 2024 Congress Uddhav Thackeray and Sharad Pawars NCP 40 constituency picture almost clear Prakash Ambedkar and Raju shetti with MVA Maharashtra MVA seat sharing : काँग्रेस 14, ठाकरेंना 15 , तर 8 जागांवरुन तिढा, 40 मतदारसंघातील मविआचं जागावाटप फायनल, कुणाला कोणता मतदारसंघ?

MVA seat sharing formula for 40 Lok Sabha seats in Maharashtra

MVA seat sharing formula मुंबई : महाविकास आघाडीच्या (MVA seat sharing formula) लोकसभेच्या 40 जागांवर अंतिम निर्णय झाल्याचं सांगण्यात येत आहे. या 40 जागांमध्ये कोणाला कोणता मतदारसंघ हे जवळपास निश्चित झालं आहे. मात्र अजूनही 8 जागांवरून तिढा कायम आहे. या 8 जागांवर उद्धव ठाकरे (Uddhav Thackeray) यांची शिवसेना (Shiv Sena) आणि काँग्रेसमध्ये (Congress) वाटाघाटी सुरु आहेत. त्यातच प्रकाश आंबडेकर यांची वंचित बहुजन आघाडी आणि राजू शेट्टी यांची स्वाभिमानी शेतकरी संघटना यांचाही महाविकास आघाडीत समावेश असल्याने, त्यांच्या पक्षांनाही एक एक जागा देण्यात येणार आहे. या दोन्ही जागा सध्या तरी ठाकरेंच्या वाट्यातून देण्यात येणार असल्याचं सांगण्यात येत आहे.

महाविकास आघाडीच्या बैठकीत राज्यातील लोकसभेच्या 48 पैकी 40 जागांवर कोणता पक्ष निवडणूक लढवणार हे जवळपास फायनल झाल्याचं सांगण्यात आलं. तर उर्वरित 8 जागांचा तिढा अद्याप कायम आहे. या जागांमध्ये रामटेक, हिंगोली, वर्धा, भिवंडी, जालना आणि शिर्डी यांचा समावेश आहे जिथे शिवसेना ठाकरे गट आणि काँग्रेस दावा करत आहेत. याशिवाय काँग्रेस पक्ष मुंबई दक्षिण मध्य मतदारसंघ आणि मुंबई उत्तर पश्चिमच्या जागा मागत आहे. मात्र 2019 मध्ये दोन्ही जागांवर शिवसेना विजयी झाली होती. उद्धव ठाकरे गट दोन्ही जागा सोडण्यास तयार नाही.

वंचित आणि स्वाभिमानीला ठाकरे गटातून जागा?

सूत्रांनी दिलेल्या माहितीनुसार, 2 फेब्रुवारीला होणाऱ्या पुढील बैठकीत हा तिढा सुटला नाही, तर हा मुद्दा तिन्ही पक्षाच्या नेतृत्वासमोर मांडला जाणार असल्याची सूत्रांची माहिती आहे. यासोबतच वंचित बहुजन आघाडीच्या मविआ मधील समावेशनंतर वंचित बहुजन आघाडी सुद्धा जागा वाटपासंदर्भात आपली भूमिका 2 फेब्रुवारीला होणाऱ्या बैठकीत ठेवणार आहे.

वंचितसाठी अकोला लोकसभा मतदारसंघाची (Akola Lok Sabha) जागा सोडण्यात आली आहे. त्यामुळे वंचित बहुजन आघाडी मविआमध्ये या एकाच जागेवर समाधानी राहणार की आणखी जागांची मागणी करणार हे पाहावं लागेल. वंचित बहुजन आघाडीकडून अधिक जागांची मागणी झाल्यास हा तिढा आणखी वाढू शकतो.