Mumbai MLA List : मुंबईतील 36 मतदारसंघात कोणाचे आमदार? भाजपचे सर्वाधिक, उद्धव ठाकरेंचे किती? संपूर्ण यादी एका क्लिकवर

Mumbai MLA List : मुंबईतील 36 विधानसभा मतदारसंघांमध्ये सध्यातरी महायुतीची ताकद जास्त आहे, महायुतीचे मुंबईत 23 आमदार आहेत.

Photo Credit - abp majha reporter

Source : ABPLIVE AI

Mumbai MLA List : महाराष्ट्र विधानसभा निवडणूक एका महिन्यावर येऊन ठेपली आहे. निवडणुकीला सामोरे जाण्यासाठी महाविकास आघाडी आणि महायुतीकडून जागा वाटपावर चर्चा सुरुच आहे. दरम्यान, दोन ते चार दिवसांनी महाराष्ट्रात आचारसंहिता लागेल आणि निवडणुकीचा बिगुल वाजेल, असे संकेत खुद्ध उपमुख्यमंत्री अजित पवार यांनीच दिले आहेत. दरम्यान, आगामी विधानसभा निवडणुकीत मुंबईतील जागांवर दोन्ही आघाड्यांमध्ये खल सुरुच आहे. मुंबईत महाविकास आघाडीत ठाकरेंची शिवसेना आणि काँग्रेस पक्ष जास्त जागा लढवतील, असे बोलले जात आहे. दरम्यान, सध्या मुंबईत कोणाचे किती आमदार जाणून घेऊयात...

2019 महाराष्ट्र विधानसभेच्या निकालात शिवसेना-भाजपचा करिष्मा पाहायला मिळाला होता. मात्र निकालानंतर युती तुटली. राज्यात गेल्या पाच वर्षात अनेक घडामोडी घडल्यात. त्यानंतर सद्यस्थितीला मुंबईतील 36 मतदार संघामध्ये पक्षीय बलाबल पाहिले तर भाजपचे 16 आमदार, शिवसेना शिंदे गट 6, शिवसेना ठाकरे गट 8, काँग्रेस 4, राष्ट्रवादी अजित पवार गट 1 आणि समाजवादी पक्षाचा 1 आमदार आहे. महायुतीचे 23 आमदार मुंबईत आहेत तर महाविकास आघाडीचे 13 आमदार एका अपक्ष आमदारासह मुंबईत आहेत. यंदा विधानसभा निवडणुकीत  मुंबईतील मतदारसंघांमध्ये जोरदार चुरस पाहायला मिळणार आहे.

 मुंबईतील 36 आमदारांची संपूर्ण यादी

1. बोरीवली विधानसभा : सुनिल राणे (भाजप)

2. दहिसर विधानसभा : मनिषा चौधरी (भाजप)

3. मागाठणे विधानसभा : प्रकाश सुर्वे (शिवसेना - एकनाथ शिंदे)

4. मुलुंड विधानसभा : मिहीर कोटेचा (भाजप)

5. विक्रोळी विधानसभा : सुनील राऊत (शिवसेना - उद्धव ठाकरे)

6. भांडुप पश्चिम विधानसभा : रमेश कोरगावकर (शिवसेना - उद्धव ठाकरे)

7. जोगेश्वरी पूर्व विधानसभा : रविंद्र वायकर (शिवसेना - एकनाथ शिंदे) : सध्या लोकसभेवर निवड

8. दिंडोशी विधानसभा : सुनील प्रभू (शिवसेना - उद्धव ठाकरे)

9. कांदिवली पूर्व विधानसभा : अतुल भातखळकर (भाजप)

10. चारकोप विधानसभा : योगेश सागर (भाजप)

11. मालाड पश्चिम विधानसभा : अस्लम शेख (काँग्रेस)

12. गोरेगाव विधानसभा : विद्या ठाकूर (भाजप)

13. वर्सोवा विधानसभा : भारती लवेकर (भाजप)

14. अंधेरी पश्चिम विधानसभा : अमित साटम (भाजप)

15. अंधेरी पूर्व विधानसभा : ऋतुजा लटके (शिवसेना - उद्धव ठाकरे)

16. विलेपार्ले विधानसभा : पराग अळवणी (भाजप)

17. चांदिवली विधानसभा : दिलीप लांडे (शिवसेना : एकनाथ शिंदे)

18. घाटकोपर पश्चिम विधानसभा : राम कदम (भाजप)

19. घाटकोपर पूर्व विधानसभा : पराग शाह (भाजप)

20. मानखुर्द शिवाजीनगर विधानसभा : अबू आझमी (समाजवादी पक्ष)

21. अणूशक्तिनगर विधानसभा : नवाब मलिक (राष्ट्रवादी अजित पवार)

22.  चेंबुर विधानसभा : प्रकाश फातर्पेकर (शिवसेना : उद्धव ठाकरे)

23. कुर्ला विधानसभा : मंगेश कुडाळकर (शिवसेना : एकनाथ शिंदे)

24. कलिना विधानसभा : संजय पोतनीस (शिवसेना : उद्धव ठाकरे)

25. वांद्रे पूर्व विधानसभा :  झिशान सिद्दीकी (काँग्रेस)

26. वांद्रे पश्चिम विधानसभा : आशिष शेलार (भाजप)

27. धारावी विधानसभा : वर्षा गायकवाड (काँग्रेस) : सध्या लोकसभेवर निवड

28. सायन कोळीवाडा विधानसभा : कॅप्टन तमिळ सेल्वन (भाजप)

29. वडाळा विधानसभा : कालिदास कोळंबकर (भाजप)

30. माहिम विधानसभा : सदा सरवणकर (शिवसेना : एकनाथ शिंदे)

31. वरळी विधानसभा : आदित्य ठाकरे (शिवसेना : उद्धव ठाकरे)

32. शिवडी विधानसभा : अजय चौधरी (शिवसेना : उद्धव ठाकरे)

33. भायखळा विधानसभा : यामिनी जाधव (शिवसेना : एकनाथ शिंदे)

34. मलबार हिल विधानसभा : मंगल प्रभात लोढा (भाजप)

35. मुंबादेवी विधानसभा : अमीन पटेल (काँग्रेस)

36. कुलाबा विधानसभा : राहुल नार्वेकर (भाजप)

इतर महत्त्वाच्या बातम्या