Mumbai Crime : जीम ट्रेनरने दारुच्या नशेत केली सुरक्षा रक्षकाची हत्या

Mumbai Crime : भांडुपमध्ये एका जीम ट्रेनरने सुरक्षा रक्षकाला दारूच्या नशेत केलेल्या मारहाणीत सुरक्षा रक्षकाचा मृत्यू झाला आहे. मयत सुरक्षा रक्षकचे नाव शिवाजी दत्तू बारवे असे असून ते 60 वर्षाचे होते.

Photo Credit - abp majha reporter

Source : ABPLIVE AI

Mumbai Crime : भांडुपमध्ये एका जीम ट्रेनरने सुरक्षा रक्षकाला दारूच्या नशेत केलेल्या मारहाणीत सुरक्षा रक्षकाचा मृत्यू झाला आहे. मयत सुरक्षा रक्षकचे नाव शिवाजी दत्तू बारवे असे असून ते 60 वर्षाचे होते. भांडुप पश्चिम येथे ड्रिंम्स सोसायटीमध्ये सुरक्षारक्षक म्हणून ते नोकरी करत होते. 

विशाल गावडे हा जिम ट्रेनर म्हणून दोन वर्षांपूर्वी काम करत होता

अधिकची माहिती अशी की, ड्रीम्स सोसायटीमध्ये एक जिम असून या जिममध्ये विशाल गावडे हा जिम ट्रेनर म्हणून दोन वर्षांपूर्वी काम करत होता. मात्र काही कारणास्तव त्याला कामावरून काढून टाकण्यात आले होते. तो सोमवारी रात्री सोसायटीमध्ये आला मात्र तो दारूच्या नशेत धुत असल्याने त्याला बारवे यांनी अडवले.त्याचा राग मनात धरून विशाल तावडे हा शिवाजी बारवे यांना शिवीगाळ करून मारायला लागला. 

भांडुप पोलिसांनी जिम ट्रेनरला अटक केली

दारू प्यालेला असल्याने विशाल गावडे याने काहीही परवा न करता सुरक्षारक्षक असलेल्या शिवाजी यांचे डोक तेथील भिंतीवर तीन ते चार वेळा जोरात आपटले. त्यानंतर शिवाजी यांच्या डोक्यातून रक्तस्त्राव होऊ लागला. या सर्व मारहाणी मध्ये गंभीर जखमी झालेल्या शिवाजी बारवे यांना त्यांच्या सहकार्याने केईएम रुग्णालयात दाखल केले. मात्र उपचारादरम्यान त्यांचा मृत्यू झाला.या प्रकरणी भांडुप पोलिसांनी जिम ट्रेनरला अटक केली आहे.

इतर महत्वाच्या बातम्या